بلاش تتغش في التمثيل تقول على واحدة بنت حلال بلاش ببساطة تعمل deal عشان مخك ماهوش شغال بلاش بغباوة التسبيل تسيب نفسك لواحدة شمالف هذا الوقت يازميلي ضروري تاخدها بالعِشرة ببلاش تتغر باللمعة عشان في كتير دهب قشرة ولو مشدود لضحكتها ولمستها وحاجة تانية حبيتها ياريت تتأنى ياخيبتها لانك لما هتاخدها / وتكبر كل ده هيروح ياريت تحسبها بالمعدول وتختارها بجمال الروح تكون عاقلة وتشبه ليك بتصغرلك وتكبر بيك يكون شغلتها تملى عنيك وتبقى معاك ليوم الدين تكون "ستك" ف حواديتها تكون "امك" ف طيابتها وتبقى "اختك" ف سمعتها وتبقى شقية برضه عشان تكون مجنون بشقاوتها وتبقي رقيقة وبسيطة وواثقة ف روحها وعبيطة وتبقي بنت ناس بُسطا ومش welcome و hi و sofag وتبقى زينتها كرامتها / بدون مكياج ومتواضعة ومغرورة ومتماسكة ومكسورة ولما تقول لها ايه الحال ؟ تقول لك عال ومستورةفـ يا صديقي .. ماهيش لعبة الحكاية عشان تنقّي واحدة مجهولة دي عشرة عمر صدقني ياريت تحسبها بـ رجولة عشان الرحلة هتطوِّل وممكن هيَّ تتحوِّل فـ خُد وقتك من الأول لإن الدايرة مقفولة .
السلام عليكم ^_^ دي الخااطرة 11 (الحـور العيــن) http://ask.fm/hysh24/answer/117802593475
اكيد طبعا مستنية رأيكم .. و ياارب تعجبكم ^_^ اسال الله ان يجمعني و اياكم فـ الفردوس الاعلي