بعد أما راحوا الناس و قعدنا نتذكّر .. آخر كلام ليهُم و مزاجنا متعكّر .. لو كُنّا بنفكَّر .. طب ليه ما سجّلناش .. مع إنُّه كان واضِح و إحنا إللى مفهمناش .. يمكن مادققناش .. ساعة ما قال – ماشي و حَدَف بإيدُه سلام .. ماهو كل شئ عادي و هزارنا كُله كلام .. ليه كُل شئ غامض متداري فى الأيام ؟ سابنا ساعتها و قام .. طب ليه مسلِّمّناش ؟ كُل إللى قال – رايح كان الكلام واضِح و إحنا إللى مفهمناش .. يا كُل واحِد عاش .. و الدُنيا باقيالُه .. لو حَدْ غالي عليك سَجّلُّه أقوالُه .. جايز كلامُه معاك بالصُدفَه بُكرَه يكون آخر كلام قالُه .. #أخر_كلام #نبيل_عبد_الحميد
مساء النور .. يارب تكونوا سعداء على الدوام .. وأدي تاني سؤال معانا من الفانز : احنا لازم نعامل الناس بالمثل ولا نتصرف بطريقه افضل مع العلم اننا لو تصرفنا بطيبه معاهم بيزيدوا فى الاساءه ؟؟؟ "انطلقوا بالاجابه "