هو انتي بتحبيني ليه؟! إنطوائي عندي نسبة عجز في استخدام ذكائي راضية بيا إزاي كده رغم صمتي اللا نهائي ؟ عندي فوبيا من الكلام ضحكتي تشبه لصوت طفل اتخلق اخرس فـ مات بين ضلوعي ألف ميت شاهد رخام عندي ميت مليون مبرر للسكات عندي حالة من التوحد عندى نوع مـ الانفصام و انتي راضية زي كده ما تكوني أصلا حابة فيا الاختلاف باعترفلك إني جنبك دوقت طعم الحب حاف طفل طمنتيه في حضنك بعد ما اتعود يخاف إنتي حالة .. إندماج بين الأمان و الإنسانية و استحالة اسمح لغيرك تجري زي الدم فيا إنتي غير و الوحيدة اللى في حياتي اللي واخدة حُسن سير . #إنتي_غير
انا عندى فوبيا من الغياب .. ومن اللى غاويين يجرحوا الضحك زودنى إكتئاب و الفرح مبقتش ألمحه حتى اللى راحوا و ريحّوا أوقات كتير بحتاجلهم .. مع إنهم مكانوش تمام وساعات بفكر بالساعات وأحتاج ساعات علشان انام و بنام ساعات وبقوم ساعات نفسى فـ حاجات ملهاش لزوم من كتر خوفى من الفُراق عمال بفارق كل يوم .. **** #M_Ibrahim
إطمنى .. كل اللى طالبه حاليا .. تتمنى أمنيه .. تتمنى دبله بتربطك بيا وتعيشى حلم نصدقه .. ونعيش سوا و نحققه .. وتسيبى ليا كل نقص أكمله ونسيب لربنا كل صعب يسهله إطمنى .. كل اللى هقدر أعمله أنا هعمله .. من قبل حتى ماتحتاجيه رغم انى خايف متخافيش انا جنب منك خايفه ليه ؟!#M_Ibrahem