الصحبه شي حلو ترى ومعناه انه رفيجك الي معاك على الحلوه والمره الي مهما قلت لك ماطيح من عينه الي يتخطى كل الي قاعدين عشان يقعد صوبك الي تستانس معاه الي يهون عليك هم الدنيا الي ينصحك من قلبه ويخاف عليك ويقسى عليك لو كنت تسوي شي غلط بس عشان تهده الي تحسه حبيب على أخت على رفيجه علاقه حلوه الي مهما مرت الايام وماكلمته ورجعت تتواصل معاه نفس الحماس الي كان بينكم نفسه اهوه مايخف. لا يروح شخص طاهر قلبه على قلبك يحبك بدون اَي فايده أو شي.
انه الشي الي مو زين أو الشخص الي مو زين يبين من اول العلاقه الله سبحانه يبين لنا من كذا موقف بس الانسان الذكي والفطين الي يعرف هالشي وانه دايماً البني آدم اول مايتعرف على شخص في حياته سواء كان صديق حبيب اَي شي يخليه ملاك طاهر بس عقب مع الايام مايقدر يتحمل اكثر عيوبه ف تطلع العيوب الي كان يداري عليها.
بطريقتين يا اني اواجه الشي واخليه جدام عيني طول الوكت لين ما ايي يوم لما اجوفه ما اتضايق انه صار مايعنيني. والطريقة الثانيه اني امسح كل شي يجمعني في الماضي أو يذكرني فيه وأكمل حياتي وجنه شي ماصار. وفِي كلا الحالتين الواحد ينسى والدنيا ماتوقف على شي ولا على احد وكل شي يمضي ويروح وايي الي احسن منه بذن الله❤️.
انه محد علمني بس انه اعرف هالشي انه البنت ما انخلقت عشان تتزوج وخلاص عشان تطبخ وتخدم ريلها وتربي انه بنت وعندي طموح الرجل مو حياة البنت اهو سنة الحياه صح بس مو الحياه كلها في طموح اكبر من اني اتزوج وخلاص في دراسه وطموح اكبر من الدراسه.
لا ، الحب يعني تجازف بكل ماتملك في سبيل انه الشخص الي تحبه يكون قربك ومعاك ويكون لك بشرع الله طبعاً الحب يعني تتحدى الدنيا كلها في انك تكون قرب هالشخص ضعف ومو حب لما تبتعد لنك تخاف اطيح في حب هالشخص الحب مايعرف شي اسمه خوف أو يتهرب الي يحب يواجه ومايخاف❤️.