أعتقد ان انا شخص مريح جداً في التعامل.. لو شايفك صديق هقولك ده، معجب هلمح بطريقة أقرب للتصريح، بحبك هعمل مايثبت وأقول.. لو كنت حابب نتكلم وبعدين حسيت ان حديثنا مش مريح او اقل من توقعاتي هعرفك .. المهم مهما كان قراري سلبي او ايجابي مش هسيبلك احتمالات ..
الناس عمومًا مينفعش معاهم غير المعاملة الباردة والإهمال واللامبالاه والرد المتأخر، مفيش مخلوق تحطه في مكان أقرب من الروح للروح إلا ويحطك أنت وروحك على الرف ويروح لغيرك، صنف البشر بيحب الإرهاق لغيره ولنفسه برضو ،كائنات غريبة
بحترم كل انسان قرر يتخلص من علاقه ما في حياته علشان بتسببله آذي، مهما كانت بقي قد ايه العلاقة دي مهمة والشخص غالي، بشوف الشخص اللي بيقدر ياخد القرار ويعدي الفتره الصعبة اللي هيمر بيها انه شخص قوي كفاية ومؤمن بنفسه وبيحترمها ومدرك ان مفيش حد من حقه يشوهله نفسيته مهما كان هو مين.
ممكن اخطف لحظه كدا و اعترف ان عمر ما حد في حياتي إداني نفس المكانة اللي بديهاله و دايما بحط الناس في positions هما مش حاطينني فيها، و حقيقي دي من أكتر الحاجات التعيسة اللي بقابلها في حياتي .
مُمكن أكون مش بَمُر بأحسن فترات حياتي لكن دايمًا عندي يَقين إن الأيام الجاية بتاعتي؛ عندي احساس إن مهما إشتد عليّا الكرب هييجي وقت وكُل حاجة هتترتب والدُنيا هتضحكلي، وفي صوت جوايا بيقولّي أيامك الحلوة لسه متشاله وهتيجي هتيجي بس إنتَ اصبُر.. والحقيقة أنا شخص صبور جدًا ومستني.
أنا في فتره سيئه جداََ ، من كُتر اللي بيحصل فيها بقيت أنسى يعني ايه يوم لطيف ، بقيت أنسى يعني ايه احط راسي على المخده أنام على طول كده من غير تفكير ف كل حاجه صغيره أو كبيره ، مبقتش عارف حياة الانسان الطبيعي بتبقي ازاي اصلا ، بقيت أنسى يعني ايه الإنسان ينام مبسوط و بيضحك !
"متفتكرش اِنك هتلاقي حد بيشكُرك على تنازلاتك عن حقوقك او عن شيء يخصك من اجلُه، تنازلاتك بعد فترة من الزمن هتتحسب على أنها كانت اختياراتك الشخصية ومحدش ضربك على ايدك، ففكر كويس قبل متقدم أي تنازل عشان أي حد."