انت مين عشان تتريق وتقل من شخص مش عارف اسم مطعم او ماركة معينة او بيلبس هدوم مش متناصقة او ملوش ف السوشيال ميديا ، فيها ايه لما يبقا مش عارف وانت تفهمه بشكل رايق من غير احراج ومن بعيد ، متحطش ف دماغك انك اتولدت حاضرها من اولها وروش عشان انت وانا كنا علي الله حكايتنا بس الايام والتجارب بتعلم ، ولو مش هتعرف تعمل كده خليك ف حالك وركز مع نفسك احسن
كل حاجة ممكن تكون ابسط لما تعتبر الناس مش موجودين أصلا وتبدا تتعامل مع كل تفصيلة في حياتك على هذا الاساس. تبدا تشوف ان الطبيعي انك تكون وحيد وده مينفعش يكون سبب حزنك.
عارف لما تبقي عاوز تقول كلام معين لحد، فتقعد ترتب الكلام ف دماغك وهتقوله ازاي وهتقوله بأنهي طريقة وبعد ما تخلص كل ترتيباتك تسأل نفسك "لما اقوله هيغير حاجه؟" وتكتشف ان الاجابة "لا" ولا هيغير اي حاجه، فتقرر تسكت بس تسكت.