- "كانت ليلة من الليالي التي تود أن يخبرك أحدهم بلطف شديد، أنه يحبك، يفتقدك، يراك جميلًا، فتنتهي بكل ما فيها في لحظتها ويذهب عقلك في نوم عميق، كانت ليلة تتمنى فيها أن ينتبه أحدهم لألمك كأن الكون وقف قليلًا لأجلك، فنصبح على خير .. بكل تلك البساطة."
مش مبالغة بس انا مقتنع اني لما بحب حد محدش هيقدر يحبه زيي، محدش هيقدر يستحمله ويفضل باقي عليه زي، انا دايما بشوف الناس الي بحبها احسن حد ف نظري بكل اللخبطه اللي فيهم ومببقاش شايف غير اني بحبهم وبس، وحقيقي يعني بتمني اني الاقي حد يحبني بنفس الطريقه اللي بحب بيها غيري.
انا قضيت وقت مش قليل بجري ورا ناس وبحاول احافظ عليهم عشان بحبهم وعشان محسش اني لوحدي وان معنديش حد، ف وسط ده كله نسيت يعني ايه حد ممكن يجري عشاني ويعافر عشان علاقتنا قعدت اهتم بكل اللي حواليا لدرجه اني نسيت ازاي اهتم بنفسي واكتشفت ان اغلب الاشخاص مكنش ينفع حتي يكونو معارف سطحيه.
مش لازم الزعل يكون عشان حد ممكن تكون زعلان ع نفسك، علي كل حاجه عاوزها و مبتحصلش، علي أوقات كتير بتحس انك لوحدك و محدش حاسس بيك، علي كل خطوه بتمشيها لقدام و فجأه بترجع الف، علي مشاعر كتير اتحرمت منها غصب عنك، مواقف كتير محطوط فيها بس مش بمزاجك، انت ممكن تبقي زعلان علي نفسك.
في حاجات لا هترجع زي الأول ولا حتي هتنتهي، تفاصيل و ذكريات مع ناس معينه ماينفعش يبقى ليهم بديل، ماينفعش حد تانى ياخد مكانهم، مكانهم جوانا مابيتغيرش .. والغريبه ان مهما عدى علينا ناس تانية بردو بيفضلوا زى ما هما