"نحن مدينون بالحُب لكُل من جعلنا نبصر شيئًا جميلًا في أنفسنا حين أوشكنا على الانطفاء" We owe love to everyone who made us see something beautiful in ourselves when we were almost blow out.❤️
لما تبعد هتعرف كان حب ولا تعود ، كانت خانة بتتسد بأي حد ولا خانة موجودة لحد محدد ، هتعرف مين كان موجود علشان وجودك مهم في حياته ، ومين كان موجود لمجرد أنك موجود قدامه ، البُعد بيخلي الصورة أوضح.
تنازلك عن حقوقك في أي علاقة بيخليها تبوظ ومتكملش، على عكس اللي ممكن تظنه! كل واحد فينا اتقصر في حقه، ورضى بأقل مما يستحق، وكان فاكر إنه كده بيحافظ على اللي موجود، بيتحمل جزء من مسئولية فشل العلاقة، بالرغم من حسن نِيته.. الفنان الجميل "فؤاد المهندس" في أحد لقاءاته مع مفيد فوزي، بعد طلاقه الأخير من "شويكار"، لما اتسأل عن إيه السبب في إخفاقاته العاطفية طول حياته، قال إنه كان بيرضى بالقليل، القليل اوي، وكان بيدي كتير من غير ما يفكر بياخد إيه، وإن ده في النهاية كان بيبوّظ كل حاجة.كل يوم بصادف نماذج لناس تمادوا أوي اوي في التضحية والتنازل عن حقوقهم، وبتنتهي علاقاتهم العاطفية أو الإنسانية بفشل صعب ومؤلم.. معتقدش إن الموضوع صدفة أبدًا.دفاعك عن حقوقك في أي علاقة، وتمسكك بإنك تتعامل بما تستحق، مش أنانية ولا ألاطة ولا عشان أنت شايف نفسك، مع إن مش مشكلة إنك تبقى شايف نفسك ومدرك تستحق إيه.. تمسكك بما تستحق هو اللي بيحفظ لأي علاقة الأمل في استمرارها؛ عشان معظم البشر لما بتتنازل عشانهم كتير، بيتمادوا، بيتمادوا أوي.. ولو كانوا بيقصّروا في حقك في الأول، هيدوسوا على وشك بعدين، ويستغربوا أوي ويلوموك لما تتوجع.
بقالي فترة بمر بحالة غريبة بس مريحة، مُلخصها الزُهد في انتظار أي شيء من البشر عمومًا، تقريبًا حياتي اتقفلت على 4 أشخاص مكتفي بيهم، الباقي مش مستني منهم حاجة، حتى لو حد قصَّر في حقي، بطّلت أعاتب، أساسًا مبفكرش حتى في خطوة العتاب ولا عندي رغبة فيها؛ بتعامل بمنطق التجنُّب في هدوء والاستبعاد.. حالة سلام نَفْسي غريبة، فيه ناس كتير مترجمينها حزن أو قسوة، بس أنا مش حاسس غير إني هادي من جوايا كتير عن الأول، ومش مهتم.
عارفين لما تحسوا ان نفسكم مكسوره وقلبكم واجعكم ، عارفين الاحساس ده لما ييجى من حد عمرك م كنت تتوقع انه يحصل كده منه ، اللى هو وقتها بتسأل نفسك وانت مش لاقى اجابه ليه عمل معايا انا كده رغم انى عمرى م قصرت ف حقه هو بالذات!