في دايما شخص كده بيجي في حياتك ده ان ماكنش كلهم يعني رغم انك بتسمع منه كلام حلو، بس برضه بتلاقي نفسك مش مستريح، فيه حاجة في الكلام محيرة وملغزة ومش واضحة وانت مش فاهمها. بتلاقيك بتحتاج تفكر في الكلام مرة واتنين عشان تعرف هو كان يقصد إيه في الحقيقة. بتبقى حاسس ان الكلام فيه حاجة جارحة أو مهينة بس مش واضحة ولا انت قادر تحط إيدك عليها بالظبط. صياغة الكلام بتبقى بريئة شكليًا وسهل جدا الشخص دا يلاقي مخرج منها لو واجهته فبتلاقيك مش متشجع ترد وتستوضح عشان متحرجش نفسك أو "تحرجه" (لإنك غالبًا بتبقى شخص بيراعي النقطة دي حتى مع الأشكال الوسخة دي، ودا اللي بيخليه يستهدفك من البداية أصلًا. لو انت بجح ووشك مكشوف هيكش منك وهيبعد عنك. دي نقطة بيبقى ضحايا الناس دي محتاجين يصلحوها في نفسهم عشان يتجنبو أذى الأشكال دي). الموضوع بيبقى بالظبط زي ما يكون حد بيناولك وردة حلوة وجميلة بس متعمد انك لما تيجي تمسكها إيدك تيجي بالظبط على الشوكة بتاعتها فتشكك شكة صغيرة كده أو كبيرة، إنت وحظك بقى وعلى حسب الموقف (علشان متنساش نفسك بس وتاخدك الجلالة يعني، وتخليك فاكر كويس مين المسيطر. دا الدافع الأساسي للعالم الوسخة دي).طبعا الأسلوب دا بيختلف في الشدة وفي درجة الوضوح على حسب طبيعة العلاقة والموقف ودرجة خبث الشخص دا نفسه. فممكن يبقى الشخص بيحدف طوب وحجارة وبيبخ سم وسط ضحكة سمجة أو هزار سخيف يغطي بيه على الكلام، أو يقول أي ادعاء تاني يبين انه ميقصدش الكلام بالظبط يعني، أو إنه أصلا عايز مصلحتك يا ابني! أو كما في حالة النرجسي الخفي، فالموضوع بيبقى بنفس الطريقة الغريبة اللي شرحتها دي. ففي كلا الحالتين، بتلاقيك مش عارف مية الشخص ده ناحيتك، ولا عارف راسك من رجليك، أو حاسس ان فيه حاجة غلط. صدق نفسك وحاول تركز أكتر وتستوضح وتقرا وتعرف أكتر عن الناس دي وتستعين بمتخصص لو لزم الأمر او تريح دماغك وتقطع علاقتك بالأشكال دي من أساسه. أي حد بتتكلم معاه أو بتقعد معاه وتلاقيك مش مستريح أو تلاقيه بيتعمد "يقطّمك" أو يوصلك إيحاءات سلبية تحت أي مسمى أو ادعاء، سواء ظاهرة أو مستخبية، اقطعها معاه وريح نفسك.
اللهم صل علي محمد وعلي ال محمد كما صليت علي ابراهيم وعلي ال ابراهيم انك حميد مجيد وبارك علي محمد وعلي ال محمد كما باركت علي ابراهيم وعلي ال ابراهيم انك حميد مجيد ♥️
❤❤❤
اللهم استرنا فوق الارض وتحت الارض ويوم العرض عليك🤲🏻♥
نصيحة 6: فرحك غير بتفرح انت واحب الاعمال الي الله سرور تدخله ع مسلم ♥✋
حاول كل يوم تفرح حد، بكلمه حلوه، اسأل عن حد ليك فتره كبيره مكلمتوش هيفرح، هديه بسيطه لـ امك او اختك هتفرح، بلونه لطفل هيفرح، اي حاجه حتي لو بسيطه هتفرح والله ♥
يا جماعه الناس اللي بيحبوكوا بجد ومستعديين يعملوا اي حاجه عشان خاطركوا .
حاولو تطيبوا بخاطرهم وتكونوا جمبهم قبل ما ينطفوا فجأه حتي لو مش بتحبوهم...الناس دي بطلع كل طاقتها عشان ترضيكوا!😔