لسه بتراقبهم ؟ منكرش إنى كنت براقبهم ، منكرش إنى قعدت فترة كبيرة لحد ما قدرت أعمل move on وأتأقلم ع بُعدهم عنى ، بس مع الوقت إكتشفت إنهم ميستهلوش زعلي ده كله ، اكتشفت إن الواحد كل ما بيكبر وينضج بيسأل نفسه هو أنا إزاي كنت بتعامل معاهم بسذاجة قلب للدرجة دى؟
Space
الحياه غريبة فوق ما أي حد يتصور ، تلاقي اللي انت كنت هتموت نفسك عشانها بتبيعك ، وتيجي واحده من السما تبقى سبب سعادتك باقى حياتك .تتخانق مع واحد و يبقي صاحب عمرك بعد كدة .تدخل كليه مبتحبهاش .. وربنا يكرمك و تثبت نفسك فيها .تساعد حد أقل منك .. تلاقى حد أكبر منك بيساعدك .تدي لحد حاجة انت كان نفسك فيها فتاخد حاجة عمرك ما كنت تتخيل انك هتاخدها . كل حاجة صعبة بتحصل لسبب ، كل يوم وحش عشته كان لحكمة .. صدق انك هتتعوض و ان العوض هيكون معجزة مش علي قد صبرك بس لا على قد كرم ربنا كمان .
لما تنضج وتكتشف ان حياتك مش هتقف على حد ولا حياة حد هتقف عليك في حاجات كتير هتتغير تلقائي في تفكيرك ، هتزعل على الوقت والمجهود مش علي الناس ، هتلاقي نفسك بعد كده بتعمل بأصلك مش عشان ترضى حد ، لأن مفيش حد بيرضى مهما عملت ، هتعرف قيمة نفسك ومش هتقلل منها في أماكن مش عارفه قيمتها.
اللهم صلي وسلم وبارك على سيدنا محمد وعلى آله وصحبه وسلم تسليما كثيرا
اتعلمت من اللي فات ؟
كتير
هل السقوط يعنى النهاية ؟
لا مش النهايه علشان انجح واحس بالنجاح لازم أفشل واقوم من تاني
space
من أعظم الحاجات اللي ممكن تقدمها لنفسك وحياتك إنك متشغلش بالك كتير باللي حواليك أو تديهم قيمة أكبر من قيمتهم ولا تحط نفسك في حوارات ولا تشغل بالك بأي حاجة وتعيش رايق لحالك وتشوف بس إنت رايح فين وعايز توصل لي إيه وتعمل اللي يساعدك على ده وتفكر في نفسك شويتين تلاتة كده.