هلأ بعد خبرة سنة و نصف، لازم تعرف إنه الطب فهم و حفظ و الفهم لحاله أو بس الحفظ غير كافي. ف بدك تختار مصدر دراسة مناسب للفهم و الحفظ من السلايدات. هلأ الفهم ممكن ريكورد أو فيديو أو حتى كتاب. بس معظم دراستنا من السلايدات. و الدراسة مرة وحدة غير كافية للعلامة، أهم شي التكرار و المراجعة كتييير، و كل جملة لازم تفهمها. ادرس كل يوم و حاول لا تراكِم المحاضرات و لا تضيّع وقتك، و مش ضروري تدرس بنفس الطريقة الي بدرسوا فيها الطلاب، كل واحد اله طريقته، و إذا الكل ما بدرس ما ترد عليهم و ادرس لحالك. ركِّز بالمحاضرة بتستفيد، قبل الامتحان لازم دراسة أولى و مراجعة و حاول اربط المعلومات. ادرس بدون شكوى و تذمر لأنه هاد المكتوب علينا. يعني الحل للدراسة الصح هو الجهد و التعب. الأهم إنك تصلي و تقرأ قرآن و تدعي ربنا يوفقك و ييسر أمرك. و أي سؤال استفسار تاني فأنا جاهزة. 🌼
بما إنه ميك أب، يعني معك وقت للدراسة. إذا بدك علامة عالية، أعطيها يومين عالأقل للدراسة و المراجعة،مادة الفيرست ما بدها كتير وقت، بس كم ساعة. الامتحان سهل إن شاء الله، بس بده حفظ منيح. الله يوفقك.