♥إلهي تراني قائما لدى باب عفوك وعطائك وناظرا إلى آفاق مواهبك وألطافك♥أسألك بندائك الأحلى وصرير قلمك يا مولى الورى♥أن توفّق عبادك على ما ينبغي لأيّامك ويليق لظهورك وسلطانك إنّك أنت المقتدر على ما تـشآء♥ ربي إن عظمت ذنوبي كثرةً فلقد علمت بأن عفوك أعظمُ لا إله إلا أنت ♥وصل اللهم وسلم وبارك على محمد ♥
وإنت بتكبر كده والحياة بتلطش فيك هتتعلم كتير.. هتتعلم إن مش كل حاجة حلوه لازم تدوم... هتتعلم إن في ناس هتكون مراحل في حياتك هتيجي لغرض يعلمه الله وهتمشي ..هتتعلم مين إللي تبكي على كتفه وهتتعلم إن سعات لازم تمسح دمعوك بإيدك..هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وهتتعلم من إللي إنت جرحتهم..وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..هتتعلم يعني إيه ثقة ويعني إيه جدعنه والدروس دي هتتعلمها من الخاين والندل قبل الصاحب الوفي.. هتتعلم إنك تعيش بشوية تشوهات جوا نفسك بس عادي ،مش عادي، بس بردو خير.. هتتعلم إن في ناس في حياتك مينفعش تسيبها لازم تتبت فيهم بإيدك وسنانك علشان الناس دي مبتتعوضش..وهتتعلم إنك سعات لازم تفسح الطريق للي عايز يمشي..وإنت راضي وماشي في سكتك..هتتعلم من كل الناس الي هتقابلها في حياتك من زميلك في الدراسه من الطفل الصغير من الراجل الكبير من ابوك ومن امك ومن أكبر الحاجات الي لازم تتعلمها إنك تسامح نفسك وتسامح إللي حواليك..وتتلعم إن أكبر كنز لك هي أعمالك الخالصة لله..وإن كان اتكتب عليك تتعب..ف ربنا يكتب لك إنك تتعب في السكة الصح ومع الناس الصح وعلشان الهدف الصح...