كبرت و اتعلمت ان الدنيا مش كلها حلوة
اتعلمت ان لازم اقبل ان مافيش حاجة بتدوم
و ان مش لازم اكمل مع اللي بحبه
و ان الصاحب مش بالسنين، بالمواقف اللي بجد
اتعلمت اني اكون لوحدي و اعتمد علي نفسي و بس
و ان مش ضروري ان الاهل يكونوا سند ممكن يكسروا
و ان زعلي مايطلعش قصاد اي حد
اتعلمت ان مش كل حاجة تتحكي، فيه حاجات لازم تتساب
و فيه حاجات مش لازم نلاقيلها اجابة
و ان هايجي عليا ايام هاحس اني لوحدي و مش قادرة اقوم
اتعلمت ان مافيش حاجة بتدوم و ان اللي اتكسر مابيتصلحش
و اني مش بحس ب قيمة الحاجة الا اما تروح مني
و ان عادي اخسر ناس كتير قريبين ليا و خسارتهم مكسب
اتعلمت ان الثقة دي حاجة كبيرة اوي، اوووووي
و ان مش اي حد عايش لوحده فالبيت بيبقي فرحان
و ان مش كل لمة بتبقي راحة
اتعلمت ان الدنيا مش بتقف علي حد والا كانت وقفت عند اللي توفوا
و اللي توفوا ف حياتي كانوا احسن ناس فيها
و ان اللي فات مش هايرجع.. مش هايرجع.. مش هايرجع
و ان مافيش حاجة اسمها قصة حب كاملة و تحفة
و اني افضل حاسة ب حلاوة الحاجة اللي ف ايديا كأني هاخسرها
انا اتعلمت اني اكون طفلة من اول و جديد و اكبرها و اعلمها حاجات كتير لاول مرة ف حياتها..

انا تعلمت ازاي اكون ف السن ده و عايشة ف جسم واحدة ف سن 65..!!!

Liked by: Abo zaky Berlìn

أكتر حد بتثق/ي فيه🤔

October 18, 2018

كتير

مساحه

October 14, 2018

عندي يقين وايمان ان الانسان ممكن يحب اكتر من مرة. لكن برضه مؤمنة ان الحب اللي بيخلي العين تلمع وتوسع مع سيرة الشخص او ظهور اسمهم علي التليفون برسالة ولا ب تعليق ولا مكالمة، او الضحكة المبالغ فيها لما يقولوا حاجة دمها خفيف، او تسارع ضربات القلب مع دخولهم المكان، او سماع اسمهم من حد غريب، او بداية كل خناقة...والنفس اللي بيرد الروح في الواحد مع كل مصالحة...
ده بييجي مرة واحدة بس. مش شرط اول مرة. لكن هي مرة.
بعدها كل حاجة بتتغير. علشان بنبقي اتعلمنا، او اتغيرنا، او نضجنا، او .... شبعنا.
وقبلها بنبقي مش عارفين ان ده موجود جوانا. بنسمع عنه كتير. بس بنفهمه، لما نلاقيه..

وانا مؤمنة اننا كلنا بنلاقيه، بس مرة واحدة بس.

نبقي محظوظين لو المرة دي، مش هي اللي كسرت قلبنا.

نبقي محظوظين لو كملت.

لو ماضطرناش نحب تاني.

لو..

Liked by: Mohhope Bᥱᥣᥲᥣ ᥲbd-ᥱᥣhᥲfᥱιz ᥲᥣhᥱᥕᥱry Ahmed