انا ممتنه جدا للحظات الانكسار اللي عيشتها ممتنه للوحدة والوجع والفشل والحوجة ممتنه لصديقتى اللي خسرتهاووجعتنى ممتنه لكل حد كسرني وقلل مني واحبطني ولكل حد احتجتله وملقيتوش ولكل لحظة فرح وحزن عيشتها لوحدي وملقتش اللي يشاركني فيها ممتنه للعلاقات اللي مكملتش وللصدمات اللي متتوقعش .. ممتنه لهدم الخواطر ولكسر النفس.. ممتنه للمعلشات الكتير اللي سمعتها في حياتي واللي بالمناسبة مكانتش بتعمل حاجة ممتنه للحظات الانتظار الطويلة لحاجات عمرها ماكانت هتيجي ولطبطبة عمرها ما كانت هتحصل ممتنه لكل دول واكتر لأن لولاهم مكنتش اتعلمت ابقي ضهر نفسي .. لولاهم مكنتش عرفت ان التعلق بغير الله مذلة وان مفيش حاجة تستاهل انك تضيع لحظة من عمرك زعلان عليها .. لولاهم مكنتش هبص للحياة علي انها اكبر من اي حاجة ممكن تهزمنا وانها مليانة اسباب واهداف تستحق اننا نوصلها ونعيش عشانها .. لولاهم مكنتش وصلت لحالة السلام الداخلي والرضا التام باللي حصل واللي بيحصل واللي هيحصل واليقين ان عوض ربنا احسن من اي حاجة فقدناها ماتستناش حاجه من حد لان ماحدش باقى لحد ولا حد باقى على حد وكفى بالله جابر وخاطرا وحبيبا
اللي يقدر يلم المنهج كله في ليله واحده ويدخل يمتحن وينجح في الماده هو أجدر واحد يتعين معيد للماده دي مش شرط خالص يكون من الاوائل!! هو افضل واحد ممكن يوصل المعلومه اللي قدر يستنبطها في كام ساعه بس بشكل اسرع من اللي قضي الترم كله يحضر محاضرات وسكاشن وكويزات ويفضل لازق للدكتور بعد المحاضره يسأل اسئله غبيه فالدكتور يفرح بيه ويعرفه ويجاوبه عليها فيطلع يحضر السكشن اللي بتتعاد في المحاضره تاني ويسئل نفس الاسئله للمعيد فيضيع بيها نص السكشن وبعد كده يروح بيتهم يبيض المحاضره والسكشن في كشكول نضيف باأقلام الوان ازرق واحمر واحضر ويبدأ يحل الشيت فيلاقي نفسه مش فاهم كام نقطه فيقرر يروح للمعيد في مكتبه تاني يوم ويخليه يشرحله تاني وهكذا بقه في كل المواد ده غير تسليم ريبورتات وأبحاث هو مش فاهم عنها حاجه اصلا بس بيلم بيها درجات تخليه يجيب تقدير عالي ويرتب علي الدفعه! كفايه بقه معايير عقيمه تختاروا علي اساسها معيدين عاجزين عن توصيل معلومه هما اصلا مش فاهمينها! صحيح طالعين من الاوائل لكن ده مش كافي خالص لمزاوله مهنه بالاهميه دي! وبكره المعيدين اللي مش فاهمين دول للأسف يبقوا دكاتره مش فاهمبن برضو ومسئولين عن كتب و مناهج دراسيه فيقرروا يحشوا المناهج كلها كلام فاضي حفظ ملوش اي اهميه ويطلعوا اجيال كامله حافظه مش فاهمه ويظلموا كل اللي كاره الحفظ ومش قادر يتأقلم مع نظامهم الغبي!
♥ اللهم إليك مددت يدي وفيما عندك عظمت رغبتي فأقبل توبتي وأرحم ضعف قوتي وأغفر خطيئتي وأقبل معذرتي وأجعل لي من كل خير نصيبا والى كل خير سبيلا برحمتك يا أرحم الراحمين ♥ اللهم صل وسلم وبارك على سيدنا وحبيبنا وشفيعنا محمد وعلى آله وصحبه أجمعين ♥ طابت جمعتكم بالخير واليمن والبركات ♥
اولا و الله مفيهاش حرف اليه(ي)😂😂😂و عملالي تجارة انجلش😂😂😂😂 ثانيا تدوم الضحكة و مفيش حاجة تستاهل الخنقة عيشي بالطول و بالعرض و اضحكي مفيش حاجة مستاهلة❤️ثالثا و لكي بالمثل و اكتر ان شاء الله يارب🏻