طريقة الجواز مبقتش تحدد نجاحه اوي، قصص حب فظيعة بتنتهي بجواز فاشل، وجواز هادي بسيط بيكمل بحياة سعيدة ومفرحة.. العبرة مش بالطريقة.. العبرة بالحب (حتى لو بعد الجواز).

Liked by: Aamer

مساحة

November 18, 2017

يمكن اكبر تغيير حصلي على مستوى العلاقات الفترة اللي فاتت هو ببساطة أني بقيت "واقعي".

بقيت عارف حدود طاقتي ومقدّر محدودية اللي قدامي، حتى الوعود الجميلة اللي بترن في الودان وكانت بتعيّشني في خيال مُريح كدة كام دقيقة مبقتش اصدقها.. زي ما تقول "جتتي نحست".

وبعد فترة من الوِحدة واكتشافي اني ممكن اكمّل كدة عادي؛ بطلت اوعِد حد اني أفضل موجود، وبطلت اصدق وعود من حد (وعود ابدية من اللي ملهاش اساس في الواقع).

وبقيت اشفق اوي على اللي في لحظة جلالة كدة يقول كلام وعهود هو مايقدرش عليها. واللي بشفق عليه اكتر هو الشخص اللي بيتعلق على الكام كلمة دول ويرسم عليها احلام وخطط قدام.

وبحس في الموقف ده ان مفيش حد جاني وحد مجني عليه؛ الاتنين مجني عليهم.. الاتنين ضحية رؤيتهم الضيقة للواقع ولنفسهم، الاتنين ضحايا عالم وهمي بيريحهم قرروا يعيشوا فيه ويتجاهلوا الواقع.

الواقع بيقول ان معظم العلاقات اللي في حياتنا بتتغير والناس بتمشي مع الوقت. احنا يدوب محطات في حياة بعض زي ما حد قالها مرة. قليلين اوي اللي بيفضلوا وغالباً دول مبيعرفوش يتكلموا كتير ويقولوا وعود.. دول بيفضلوا موجودين بس بكل هدوء وقت ما الناس كلها تمشي.

من الاخر..
الوعود مش ضمان!
الناس معظمهم ماشيين حتى لو قالوا غير كدة!
مفيش جاني ومجني عليه؛ ده سوء تقدير وتعلّق زيادة في كلام حلو بس.
اللي بيكمل للاخر، غالباً مابيتكلمش ويعمل دوشة كتير.

كام نصيحة اخيرة..
⁃ في بداية اي علاقة اعرف اللي قدامك ده مكمل للاخر ولا مجرد محطة في حياتك هاتتعلم منها حاجة لقدام؛ وبناءً عليه اتصرف وحدد شكل العلاقة.
⁃ ماتوعدش كتير ولو وعدت اعرف قدرتك ومحدوديتك، عشان في الاخر ماتكسرش اللي قدامك لما يطلع -بسبب كلامك- سابع سما وينزل في الاخر على جدور رقبتُه.
⁃ ماتصدقش معظم الوعود اللي بتسمعها، الناس معظمهم مدمنين كلام على الفاضي. اقولك.
⁃ لو عايز توعد حد انك هاتفضل موجود؛ ماتتكلّمش كتير... اعمل كدة بس.. خليك موجود!

Liked by: Abo zaky Berlìn Aamer Fatma Helmy

الإهمال الزائد والإهتمام الزائد ، كلاهما يؤديان إلى نفس النتيجه، وهي خسارة شخص أحببناه ، فما اجمل الاعتدال

Khalid Hassan

November 18, 2017

فعلا

Liked by: Abo zaky Khalid Hassan

ل حروفكم ....💙

Eng-m.alkateeb بِجوز بُگرآ

November 17, 2017

احنا المفروض نخصص ساعة كل يوم للعياط بس والله متعملش حاجة غيرك انك تعيط ع حظك ولو حابب تزود وحابب الموضوع ممكن نخليها ساعة عياط ونص ساعة نلطم وشكراً .

Liked by: Berlìn Abo zaky Aamer كـمّــالّ

STaTuS..💙

(صلى ع النبي) مهندس الأسك✌

November 17, 2017

أوحش حاجة في الثانوية العامة.. انها بتربط قيمتك بدرجتك .. فا لو جبت درجة قليلة الناس هايبصولك بنظرة وحشة، ومش كدة بس ده أنت نفسك هاتقِل في عين نفسك. ولو جايب مجموع كبير فا أنت كدة برنس مكلش زيّ. وكأن ده اختبار لتحديد القيمة والهوية، مش كام ورقة بنكُب فيهم معلومتين
وعشان برضو أقول كلمة نفسي كل اللي بيقرا دلوقتي يفهمها .. "قيمتك مش في مجموعك"، ده وهم .. الحياة اوسع والنجاح أكبر بكتير من رقم على ورق .. لو جبت درجة قليلة أنت زي ما أنت مانقصتش حاجة، ولو جايب ١٠٠٪ أنت برضو زي ما أنت مازدتش حاجة عن اي حد تاني. والعِبرة مش بالمجموع .. العبرة بإنك تكون في المكان اللي ربنا خلقك ليه وتكون ناجح فيه بجد (واللي هو بعيد تماماً عن مجموعك في الثانوية العامة).

اخيراً ..
⁃ أي مجموع تجيبه أشكر ربنا عليه.

⁃ إحتفل .. افرح.. اعزم نفسك على اكله حلوة وهيّص مع اصحابك .. روحوا اتفسحوا وانسوا اي حاجة قبل كدة.. وماتخفش تقول درجتك مهما كانت، أنت قيمتك اكبر بكتير من شوية ارقام.

⁃ إرمي كلام عيلتك ومجتمعك واهلك الرخمين المتطفّلين اللي دايماً بيقارنوا بينك وبين اصحابك، خد كل كلامهم السلبي التنافُسي ده وارميه في الزبالة. أنت محدّش بينافسك ولا بيجري وراك .. أنت ربنا حطّك في الارض دي لهدف بتاعك أنت بس، ومحدش هايسرقه منك أو ياكل من نصيبك .. ركّز انك توصلّه وملكش دعوة بحد.

⁃ وأنت بتختار كلّيتك .. ارمي فكرة (المجتمع .. الأهل .. اصحابي .. كلية قمّة .. هلاقي شغل ولا لأ .. هاتدّيني ولا لأ .. ) ارمي كل الهجص ده على جنب واسأل نفسك السؤال البسيط ده .. أنا بحب ايه؟ وايه اللي ممكن أكمّل حياتي بعمله من غير ما أزهق؟ وأنا متأكد أنك هاتختار صح .. وهاتنجح في أي حاجة هاتختارها _