رفيقي ?
.
.
اليوم كملت ٢٤ سنه ومضى سنتين على فراقنا اليوم يوم تخرجي من الجامعه بتخصص صيدله يعني اليوم بصير اسمي دكتور او زي ما كنتي تحكيلي دكتور السعاده تاخرت شوي بدراستي وما لحقت جيلي بسبب الظروف الي بتعرفيها والي اهلك رفضوني عشانها ..كل اشي اليوم حلو ومرتب التخرج والطلاب والحفلهوما بنقصه الا انك مش موجوده_ اليوم كملت ٢٥ سنه ومضى ٣سنوات على فراقنا اليوم اشتريت سياره احلامنا عشان شغلي الجديد كمندوب دعايه طبيه ...لونها احمر فرشها اسود وفيها فتحه وكل اشي فيها بجننوما بنقصها الا انك مش رح تركبيها-اليوم كملت ٢٨ سنه مضى ٦ سنوات ع فراقنا اليوم دفعت دفعه شقه احلامنا رح أئجرها لجماعه محترمين لحد ما اسكنها ...٣ غرف كبار وحلوين وبمنطقتنا الي بنحبها وكل اشي فيها بجننوما بنقصها الا انك الوحيده يلي ما رح تفوتيها_اليوم عمري ٣٠ سنه مضى ٨ سنوات ع فراقنا سمعت انو صار عندك ولد عمره ٧ سنين من صاحبتك الي ما بتحبك وكانت تحبني بس انتي عارفه اني ما حبيت غيرك .ما علينا المهم اليوم عرسي ع وحده عجبت امي وما عجبتني بس اخدتها لا انها بتحبني وحسب ما حكالي صاحبي حموده خد الي بتحبك وما تستنى تحب حد اذا بدك الصراحه دورت عليكي بين ٢٥ بنت عرفتهم وصاحبتهم بس ما لقيتك العرس بجننوما بنقصه الا انك مش انتي العروس_اليوم عمري ٤٥ سنه مضى ٨٣٩٥ يوم ع فراقنا اليوم عيد ميلاد ابني ^عمر ^ سميته زي ما اتفقنا صار ١٤سنه متفوق بدراسته ورياضي شاطر وبحب الرسم زيك وما بنقصه الا انك مش امه_اليوم عمري ٥٦ سنه مضى ٣٤ سنه ع فراقنا رجعت من الخليج معي شويه مصاري وسكري وضغط اليوم عرس بنتي *رنا * سميتها ع اسمك عشان اضل ادلعها ""رنوش"" زي ما كنت احكيلك العرس بجنن وما بنقصه الا انك مش من الحضور-اليوم عمري ٥٨ سنه مضى ٣٦ سنه ع فراقنا بس اليوم التقينا يوم خطبه ابني المهندس عمر كثير انبسطت لما عرفت انو بنتك العروس بتشبهك بكل تفاصيلك *فريده* وهي زيك فريده بكل المعاني حبها ابني ""من شابه اباه فما ظلم"" الخطبة بتجننوما بنقصها الا انك مش فيها حكولي انك توفيتي من ٥ سنين بالسرطان اللعين الله يرحمك حياتي كلها كامله وما بنقصها الا انك مش نصي التاني