صح بس لما تهتمي بمستقبلك وانجازاتك اكتر ما رح تتعرفي غير على ناس منفتحين ومن جوك وطريقة تفكيرهم قريبة عليكي فرح تلاقي الشريك المناسب
فش اشي اسمو الشريك المناسب قبل الزواج . احنا بنلاقي ناس تفكيرها قريب ع تفكيرنا .. طبيعتهم زينا .. او زي م بدنا يمكن . بس بتحدد هاد الاشي بعد الزواج ازا طلع مناسب او لا ،، بعد الزواج بختلف كلشي ،، كلشي ببين بشكل واضح . اما قبل الزواج بيكون كلو رسميات . قد م تفكر حالك عرفت الشخص بعد الزواج بتصير تكتشف شغلات جديدة . و ع قولة ستي الواحد ما بياخد راحتو الا في بيتو ? وهون ببين الواحد ع حقيقتو لما يكون ببيتو ? ف يا بطلع زي م بدك . يا بطلع زي اول سؤال علقت/ي عليه . " وهاد الجزء الاسوء "
مصيبه اذا هاي أسوأ مخاوفك بدل ما تحكي انو أسوأ مخاوفك انو ما تتركي تاثير على الارض او انك تعملي اشي يفيد المجتمع
شريك الحياة اهم " بالدرجة الاولى " . لأنو احنا عايشين بمجتمع شرقي بحت ، اي اشي ثانوي بدي اعملو رح يكون " شريك حياتي " نصو - بشكل عام - اي قرار اي دعم اي تصرف اي خطوة رح امشيها رح يكون معي فيها ،، يا معي او ضدي ? بالاخر شريك حياتي هو اللي رح يحدد كيف رح تكون حياتي ،، طبعاً انا ما رح اعيش الحياة اللي بخيالي وما اخد رأي حدا ! بالاخر اسمو شريك حياة يعني . ..... هسا نيجي للمقطع التاني .. لما يكون شريك حياتي " رجعي " او بعرفش كيف بتسموه ، انا او اي بنت مستحيل مستحيييل تنجز اشي بحياتها . طريقة تفكير و عقلية شريك الحياة بتشكل اكتر من ٥٠٪ من انجازات المرأة . دعمه و وقوفه معها و الهامها لتحقيق طموحها و انجاز اشي بحياتها بعطيك انجاز مضاعف . والعكس تماماً لما يكون شريك الحياة عقليتو متخلفه " مع احترامي " .بالاخر احنا مش في اوروبا مو ؟
لا شَيء يخيفني أكثَر من الارتباط برجلٍ تقليدي بحْت، ذوقه رديء في الملابس والكلمات ، رجل بليد لا مشكلة لديه بأن يفوت ولادة طفلنا الأول ، أو ذكرى زواجِنا من أجل مباراة فريقه المفضّل ، لا يقرأ لا يكتب لا يمارس الرياضَة، ليس لديه ما يفعله في وقت فراغِه عدا التمدّد وحشو معدته بالدّهون.
و يسميني ع تلفونه البيت ? و يستحي يناديلي حبيبتي قدام الناس ?اعوذ بالله من هيك شخص ?