مش قصة شطور .. بس عندي #ارادة اقوى من اي شي .. نصيحة خيتي لا تضيعي تعب سنة او سنين ب اسبوع او اسبوعين .. ادرسي واضغطي حالك هلفترة لانها اهم فترة بالاخير ما راح تخسري شي .. راح تلاقيه يوم النتائج وراح تكون فرحة ما بعدها فرحة .. وراح تدخلي جامعة وتعرفي المعنى الحقيقي للدراسة وراح تحكي يا ريت صليت توجيهي هههههههههه. بالتوفيق .. ااااه تنسيش الحلوان 😂😂😂
اوعك .. تغلطي وتهدمي شي بنيتيه بفترة صغيرة .. بدي احكي عني شوي احتمال افيدك. . انا شب كنت عايش حياة سمدرحي بعمري ما فتحت كتاب .. كنت مقضيها لعب وطش وهبل .. يعني منيح يلي كنت اعرف اكتب واقرأ .. وبالعاشر حطيت علمي كيف ليش ما بعرف هيك حكولي اهلي اصلا ما كانت فارقة .. بس جد ما كنت افقه شي .. المهم وصلت توجيهي وصلت سنة الحسم كل العالم بتخاف من هلسة وهاي المصير وهاي وهاي وابصر شو فتحت عيوني لقيت حالي بتخصص بحكو اصعب تخصص وعلمي وطلع وانزل ... قعدت افكر وافكر انا شو دخلني ع هلقصة وكيف بدي اطلع منها .. المهم توصلت لشغلة انو بدي احط هدف واوصله وهاض انو انجح وابني مستقبل اقدر اهوض #امي عن حياة التعتير والشقا يلي شافتو كرمال تعيشني احسن حياة الله يسعدها ويحفظها المهم حطيت هدف اني راح انجح وراح احقق يلي بدي اياه .. بلشت ادرس واتعب بلشت من الصفر بلشت ائسس بشي لازم عملته طول 11 سنة عملته باشهر تعبت تعب الله اعلم فيه وسهر ايام وايام .. تبعت بحق ربنا عشان اوصل لهدفي درست بكل ثانية وكل دقيقة .. قدمت امتحانات .. كنت مبسوط كثير من تقديمي .. طلعت النتائج كانت اكبر فرحة بحياتي كان يوم ما بتعوض بكفي فرحة امي ودموعها .. ووصلت لهدفي وهيني بدرس #هندسة_مدنية 😍 وهيني ماشي بالطريق والحمد لله مش متنازل وهي معدلي بالجامعة امتياز .. وهاض يلي بقدر افيدك فيه وادرسي واتعبي راح تلاقي شي يفرحك ويعوضك عن كل هلتعب .. بالتوفيق خيتي ^__^
تخصصي الاجمل .. الارقى .. الاوجه .. الابدع .. تخصصي هو الذي يبسط الحياة للناس .. تخصصي هو الذي يجعل للحياة شكل آخر .. وتخصصي لا يوصف .. عن #الهندسة_المدنية اتحدث
. الهندسة المدنية .. إن الهندسة المدنية عي أعرق واقدم فروع الهندسة واكثرها التصاقا بنشأة الإنسان وتطورة عبر السنين والعصور . فالهندسة المدنية تعني بتطوير وتسهيل حياة الانسان وتكيف ونطويع البيئة النحيطة بة بما يتلائم مع رغباتة واحتياجاته. والهندسة المدنية قي وقتنا المعاصر اصبحت يمنجزاتها العملاقة رافدا من روافد الرقي والتقدم العمراني والحضاري لبني البشر... #المدني ابدااااع 😍😍😍