البنات اللى بتلبس لبس ضيق وقصير واللى تبين نص دراعها .. واللى بتلبس طرحه ومطلعها منها شويه شعر .. واللى بتبقا عامله جبل ف الطرحه من ورا كده !! والحاجات دى كلها ... إيه رأيك فيهم ؟ و تفتكر/ى أيه الهدف لـكده ؟ وو جهـ/ـى رساله أو كلمه ليهم ؟
ياربى على قمه الاستفزاز والنرفزة اللى بوصللها لما بشوف المناظر دى واللى أكتر لو صادفت زى النهارده كده وقابلتهم فى المواصلات وتسمعى صوتهم وضحكهم وهما بيكلمو كانهم قاعدين فى بيتهم ولا كان فيه شباب موجوده ولا اى حاجة .. ده غير لبسهم الملفت والألوان الغريبه اللى بيلبسوها والبرفن اللى بيملى الميكروباص بجد بكون مُشفقه عليهم وفى نفس الوقت مضايقه منهم جدا ماعرفش بصراحه ايه الهدف أكتر من انه التفات الغير ليهم على قد مابقدر بوصل رساله ليهم وجها لوجه وفيه اللى بيتقبل وفيه اللى مُش بيتقبل وعملتها كذا مره وكلمت بنات كتير والاغلب استجاب واتحرج من نفسه والله اعلم نفذ بعد كده ولا لا بس أهو بحاول على قد ما اقدر ............. ورسالتى ليهم اتقو الله وعمر الجمال ماكان باللبس الضيق ولا الشعر الى خارج الطرح ولا الريحه الحلوة بالبرفن ولا البياض بأنك تبينى دراعك ولا الكلام الفارغ ده وخلى جمالك احفظيه لنفسك ولحىلك بس مُش تتباهى بيه قدام الناس وتكونى زى عرض للجميع وماتكونيش زى العسل اللى مالوش غطا والذباب متجمع حوله خليكى محفوظه أحسن لنفسك ـــــــــــــــــــــــــــــــــــــــ الكلام فى الموضوع ده كتير جدااا وانا اللى نفسى أسألهم ايه الهدف من اللى بيعملوه فى نفسهم ده ؟؟؟؟؟؟
هو ليه الولد لما يجي يتكلم مع بنات عادى بالنسباله .. ولما يشوف اخته بتتكلم مع ولاد بيتضايق أو لو شاف بنت بتتكلم مع ولد يقول عليها شمال و... و... و... ! ... سؤال مهم والله !
أكتر ناس تقدر تجاوبك على الموضوع ده الشباب مع انى مُتأكده انى معظمهم مُش هيجابو صح ومُش كل الشباب كده بردو فيه اللى بيتقى الله فى كل بنت كما لو انهخا اخته سواء زميله دراسه او زميله عمل او غيره
بالرحمه بينا وبين بعض بالصدق فى تعاملتنا بالتفاؤل والأمل بالأمانه والثقه بين جميع الخلق بالنوايا الصافيه فى تعاملاتنا مع غيرنا يالسعى وراء مصلحه الغير كما نسعى لتحقيقها لأنفسنا بالحب والخير نقدر نحقق كل حاجة
سؤال مركب و معقد .. هو لما الواحد يحب نفسه ويختار دايما لنفسه احلى حاجة يبقى هو كده انانى ؟ و امتى يكون الحب ضعف وامتى يكون قوة ... ؟
مُش دايما بتكون أنانيه ممكن تسميها حب الذات لحد ماتوصل لحب الغير كما تُحب الذات ، فيه ناس بتوصل معاها لدرجه الانانيه وأكتر وناس تانيه بتكون غصب عنها وبتحاول تصلح من نفسها فى النقطه دىى ودى بقى على حسب نيه كل فرد الحب بيكون ضعف لو الطرف الآخر جه على كرامته وبسبب حب الطرف الآخر ليه مُش قادر يدافع عن نفسه او يقف ضده او يجرحه بكلام رغم انه يمتلك كل ذلك ولكن نقطه ضعفه فى حبه ليه الحب بيكون مصدر قوة لما بيكون فيه احترام من كلا الطرفين وبسبب الحب ده الانسان بيتجه نحو الافضل لكى يحصل على رضا من يحب واعجابه المستمر به
رحمة ربنا وجود أعز وأغلى الناس فى حياتى وكل اللى بحبهم نعمة الصحه اللى ناس كتير بيتمنوها ولو بكنوز الدنيا كلها احتواء أهلى بى ووجود اقرب صديقه ليا فى بيتى لما تلاقى حد بيحب ليك الخير زى مابيحبه لنفسه لما تلاقى حد مُش يعرفك ولا ليك بيه سابق معرفه لمجرد مُساعدتك ليه فى حاجة بسيطه بيدعيك من قلبه لما تمسك بأيد كفيف علشان تعديه الشارع ويدعيلك وهوّ مايعرفكش دى لوحدها بتوصل الانسان لاحساس كأنه طاير من الفرحه حاجات كتيييييييييييير أوووووووووووى موجوده فى حياتنا ماتستاهلش اننا نزعل وكفايه اوى لما بنضايق ربنا بيبعتلنا اللى يقف جمبنا ويخفف عناا أو خبر حلو نسمعه فى أشد أوقاتنا من الضيقه وكانه بيطبطب علينا ويقولنا معلش اصبرو فعلا الدنيا ماتستاهلش اننا نزعل او نضيع وقتنا فى كآبه ويأس وإحباط
تمام الكلام ايوة ... وموجود قدامنا دايما وخاصه فى أغلب الجامعات الا من رحم ربى الحبّ المنحرف ، أمّــا الحبّ المعتدل هوّ مالا يخاف منه أحد سواء حب عاطفى أو غيره الحب فطره ربنا خلقها ووضعها فينا ومافيش انسان على الكره الارضيه لا يحب سواء اصدقاء او أهل أو غيره باختصار الحبــ من وجهة نظرى حيـــــــــــاه
ايه هى #ذكرياتك فـ كل رمضان فات !؟
اللهم بلغنا رمضان ^_^
رمضان اللى فات ذكرياتى فيه انى قضيته كله عند جدتى وكان اولاد خالتى معايا وتحت رعايتى لانهم اطفال وخالتو كانت بتحج كل رمضان قبل كده ذكرياتى فيه انى كنت بعمل الزينه بأيدى انا واخواتى واولاد عمى ونعقلها مع بعض ونصلى التراويح سوا ونشوف مين فينا هيختم القرآن كذا مره ونتجمع فى الصلاة ونقعد سوا مع بعض وحاجات من دى كتير بقى ورمضان اللى قبل اللى فات اطوعت فى جمعيه خيريه واتبسطت جدا واتعرفت على ناس كويسه واتجمعنا فى الخير واشتركنا فيه مع بعض وإنْ شاء الله رمضان اللى جاى ربنا يقدرنى وأعمل فيه حاجة كويسه
من يستقر حب الله في قلبه لا يرى الأمور فقط من منظار الحلال والحرام؛ بل هل هذا ما يُحبه الله ويقربني منه فأتبعه ؟ أم يسخطه ويشغلني عنه فأجتنبه ♡ تذكير☇تبدأ الأيام البيض لـ شهر جُمادى الآخرة في يوم الأحد ( 13/جُمادى الآخرة/1435 ، 13/04/2014 )
الإنسان العربي قدري بطبعه .يترك للحياه مهمه تدبير امره .وفي الحياه كما في الحب لا يري ابعد من يومه .. ما رائيك في هذا ؟؟ وهل معظمنا يحب بدون هدف واضح او طريق محدد ؟؟ وهل الافضل ان لا نعطي كل شي لمن نحب ؟؟ اي نتعامل معه كشي محتمل لقلوبنا ربما لنا وربما لا .. اما تفضلين اعطاء كل ما تملكين لمن تحبين.
باختلاف طبيعه كل شخص وتفكيره فيه اللى بيحب ابعد من يومه وحياته كمان وفيه اللى بيحب ليوم عايش فيه وخلاص والمهم ان سعادته تكون فى اليوم ده وبعد كده مُش لازم المعظم بيحب بهدف يعنى مثلا حبى لأصدقائى حب فى الله وده هدف مُش بحبهم لمصلحه شخصيه أو غيره حبنا لبعض نابع من قلوبنا ، وفيه اشخاص تانيه مُش بتقرب من حد ولا بتعطيى له اهتمام الا اذا كان علشان مصلحه شخصيه او هدف معين من الافضل اننا نتعامل مع اللى بنحبه كما نتعامل مع انفسنا يعنى زى مابنحب لنفسنا احسن حاجة ومافضل الاشياء نحبها لغيرنا ونعطيها له كما لو انها لأنفسنا ـــــــــــــــــــــــــــــــــــ سؤال مركب وجميل تحياتى
اللّــهُــمّ صــلى على سيدنا مُحمد وعلى آل سيدنا مُحمد كما صليت على ابراهيم وعلى آل سيدنا ابراهيم وبارك على محمد وعلى آل سيدنا محمد كما باركت على ابراهيم وعلى آل سيدنا ابراهيم فى العالمين انك حميد مجيد
انتقادك للآخرين بأسلوب ساخر لن يُنقِص من قيمتهم ،
بل سيجعلك تبدو كالمهرج .
ما لم تنتق ألفاظك بعناية ، سيفقد أسلوبك قيمته ويأتي بعكس مايرتجى منه ! رائيكم ؟
أتفق تماما مع هذه العباره وأرددها دائما لأشخاص مثل باسم يوسف ومن يتبعون نهجه