يا جماعه فيه حاجات كده مفيهاش حاجه ideal أو نموذج إجابه بنمشي وراه اعتذر بالأسلوب اللي يعجبك ، يليق بشخصيتك ، يكون طالع من قلبك مش مجبور تعمله و لا حد مغششك تعتذر ازاي
بصراحه اليوم كان حلو على عكس ما توقع لان مزاجي كان وحش من امبارح .. بس انهارده اليوم حلوو .. جربت فيه حاجات أول مره أعملها بنفسي تقريبًا .. و مبسوطه جدًا الحمد لله ??♥️
لو سيبت نفسك بعد مره وقعت فيها و طفيت كل النور اللي جواك و سودت الدنيا قدام نفسك هتكون النهايه و ممكن تفضل في النهايه دي لآخر عمرك و في مكانك - بس لو ارادتك عاليه و مؤمن بقضاء ربنا هتقدر تقوم و تقاوم بعد كل مره تقع فيها و هتوقن تمامًا ان مفيش حاجه اسمها نهايه ف خليك قوي بس و اعرف ان بايدك تتحكم في معظم حياتك و تقرر هتعمل ايه و هتكمل ازاي
و ليه حد يتغير ! أنا شخصيتي كده و أنتوا شخصيتكوا كده قابلين بعض قشطا جدًا .. مش قابلين بعض ف خلاص كل واحد يشوفله حد شبهه إنما مش هتخسر نفسك و شخصيتك عشان حد أكيد
لماذا الرجل لا يستطيع فهم الانثى ؟ وهل هناك طريقه لفهم الانثى ؟
لان كل واحد بتفكير غير تمامًا .. تخيلهم في بيت و ابنهم تِعب هتلاقي الأب سعيه في حتة إنه يجيب الدوا.. و يطمّن على ابنه كل شويه بحيث يشوف الادويه بتجيب مفعولها و إن الدنيا تمام .. أما الأم هتلاقيها الحضن الدافي زي ما بيقولوا انا عملتلك ليمون سخن يدفي زورك ، و عملتك شوربه عشان أنت لازم تاكل .. تيمور أنت نمت ؟ أه يا ماما في ايه ! اصحى شوف بقا الست غاليه محضرالك كمادات ساقعه هتخففلك السخونيه ازاي .. - كل واحد له دماغ مختلفه بس الأكيد إن الاتنين محتاجين يكملوا النقصان اللي عند بعض .. لا الست هتقدر تكون بقوة و صلابة الرجل .. و لا الرجل يقدر يكون بلطف و رقة الست * حاليًا الواحد بيشوف ستات أنشف من رجاله ، و "رجاله" ما يعلم بيها إلا ربنا ???♀️ *
غبيه اوي فكرة إنك تبقا تمام و مزاجك رايق في عز ما كل اللي حواليك مودهم زي الزفت و عندهم بلاوي ومشاكل الدنيا طب تكمل روقانك و ما عليك ؟ و لا تروح تتعاطف معاهم ف يغرقوك معاهم في البؤس ف تتعكنن أنت كمان على دماغك طب تنتحر و لا تستنى شويه و لا تهبب إيه على دماغك في طريقي للعيش في كوكب تاني
دي آيات لطيفه : " لا تدري لعل الله يحدث بعد ذلك أمرًا " " لا تحزن إن الله معنا " "و لسوف يعطيك ربك فترضى " " إن ينصركم الله فلا غالب لكم " "فَدَعَا رَبَّهُ أَنِّي مَغْلُوبٌ فَانتَصِرْ " " و بشِّر الصابرين " "وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ " - فيه جمله بحبها جدًا : " ضاقت فلما استحكمت حلقاتها فُرِجت و كنت أظنها لا تفرج "