فيه حاجات مبيكونش لها سبب أو تفسير عن رأيك فيها.. أنت بس اللي فاهم و مقتنع بالمنطق اللي فكرت بيه .. لكنك مش قادر تشرح و لا تفسر للناس و أوقات كمان مش بتعرف حتى تفسر لنفسك .. برغم إنك في الطبيعي عندك مهارة التفكير بصوت عالي و تعرف تناقش اللي قدامك في أغلب المواضيع ، تعبّر ، تجادل و تدافع كمان عن وجهات نظرك .. بس في الحالة الاستثنائية دي .. مبيكونش عندك حل غير إنك تحتفظ برأيك لنفسك مع اقتناعك التام بيه لإنك رافض تقتنع غير باللي في دماغك
و كم أتمنى أن تخطيء يومًا يا صديقي و تفضِّل أحاديثي عن صمت أولائك الذين لن يحبونك بقدر ما أحبتتك أنا ، أن تهتم لأمري مثلما تهتم لأمرهم أو كما أهتم دومًا لأمرك ...
أحب أقول لأي شخص بينزل من بيته اليومين دول من غير هدف.. من فضلك اقعد يعم القرف في بيتك مجتش على اسبوعين نقعد فيهم في بيوتنا و بعدها نقدر نعيش و نتعايش و الدنيا ترجع -إلى حد ما- زي ما كانت عادي بالله كفايه لو انتوا زهقتوا احنا زهقنا زيكوا و الله و اكيد وحشنا الشارع و الناس و الخروجات .. لكن خلاص في مشكله بنمر بيها و لازم للأسف نساعد بعض و للأسف معتمدين على بعض اننا نخلص من الوضع ده .. ف يا ريت نلتزم بيوتنا يا روشين جدًا .
أحيانًا الانسان مبيقدرش يشوف غير زعله لواحده .... تمامًا زي الصورة الكريكاتير اللي كانت بنت متعوره في ايديها باين و بتقول للي قدامها أنت مش حاسس .. و هو واخد أكتر من سكينه في ضهره و متغرق دم.. و زعلان لزعلها و بيواسيها ...
من أعظم الحاجات اللي ممكن تعملها في حق نفسك .. إنك تقدَر تخلق لنفسك شخصية و رأي و حضور وسط المجتمع اللي أنت فيه .. مهما كانت الدايره اللي أنت فيها دي صغيره و مهما كانت تعاملاتك قليلة المهم إنك تكون شخص مُؤثِّر "effective" و طبعًا مش بالسلب و لا باللي يضر حد أو يخليك تلغي شخصية أو تقلل من أي حد حواليك .. صباح النور على المتابعين الرايقين ???
إذا كان بإمكانك استعادة علاقة واحدة انتهت، فماذا ستكون؟
يا باشا .. اللي يختار خسارتك مره .. متْكسِّبوش نفسك تاني ✅ غلّوا نفسكوا .. قدروها صح و الله و متختاروش حد على حساب نفسكوا .. اللي ييجي عليك مره ييجي عليك ألف مره ، طول ما أنت مش غلطان في حق حد يبقا متجيش على نفسك ...
أنا قولت الزمن هيسابق نفسه و هيتحدى العالم في اليوم دا و الشمس اللي هتطلع النهارده تنشف الشوارع اللي اتغرقت كلها بحيث أنزل الجامعه بكره و بتاع .. الدنيا بتمطر من ٦ الصبح ??♀️? ترم مش على وضعه و مش سالك يجدعان الغوا الدراسه متقرفوناش والله ما هي ظابطه شغل التنقيط بتعليق يوم كل أسبوع دا .. ده انتوا عالم متوحده
أنا قلقانه من الدنيا الفتره دي .. في حاجات مرعبه بتحصل و الوضع العام أبدًا مش مطئمن .. للأسف بس كل ما أحسس نفسي إن عادي يا معلم عادي يومين و هيعدوا و نرجع نتابع حياتنا عادي .. ألاقي أحداث كتير و أخبار و مشاكل بتحصل و الوضع مريب .. و حتى الترم ده غريب في الجامعه و مأخره نفسي في فتح المواد و مش عايزه اذاكر أي حاجه .. بقول يمكن الترم يتلغى بس حرفيًا حتى لو اتلغى ف كل حاجه واقفه السفر واقف ، فيه حالات كورونا بيكتشفوها في الدقهليه و مصر الفتره دي ، الشوارع كلها بايظه و متغرقه اللي هو لو الترم اتلغى مش هتعمل حاجه غير انك تقعد في بيتك و تقفل على نفسك و تنعزل عن الدنيا باللي فيها ...
أفتكر قضيت اسبوع كامل نمت فيه كله على بعضه بتاع ٦ أو ٧ ساعات اللي هما يعتبروا نص نومتي في يوم واحد ، و مش فاكره كنت مظبطه نفسي ع التوحد دا عشان امتحانات و لا كان ايه اللي بيحصل ساعتها بس الانسان مجنووون مجننونن
لازم أتعلم ازاي أتعامل مع الناس اللي مضايقينني او اني مش رايقه من ناحيتهم ١٠٠٪ .. ليه مش عندي غير اختيارين بس؟ يا بحبك و النفوس صافيه و الدنيا تمام يا مش طايقاك و لا هبص في خلقتك مشكله و الله