@EngAhmedBakr

Eng Ahmed Bakr

Ask me anything Follow
Ask @EngAhmedBakr

Sort by:

LatestTop

Previous

Space ⚡

‏- اعتقد اكتر حاجه تستاهل ان الانسان يسعى ليها و يبذل مجهوده علشان يوصلها هيا انك تكون انسان كويس .. شخص سَوىّ.. معترف باخطائك و بتسعى دايماً انك تصلحها.. انجازك الاهم في الحياه هو انك تبقى بني ادم كويس .
5
Liked by: Yasmin Hamdi جلال شاهين سَـــــــما✨

Space 🍁

‏قرب بس من الناس اللي تقويك مش تكسر فيك وتهلك مشاعرك، الناس اللي بتظهر بس الحلو اللي فينا وتتكلم عنه، اللي بتدارى عيوبنا بجد وتخاف علينا لننكشف قدام حد، إحنا محتاجين ناس يتحملونا وقت ما نكون مش طايقين نفسنا، محتاجين اللي يدعمنا نفسياً ووقتها إحنا هنكون ليهم الستر والبيت والحياة.
5
Liked by: Yasmin Hamdi جلال شاهين سَـــــــما✨

Related users

nadagammall’s Profile Photo ندى
Rahmabsheer’s Profile Photo Rahma bsheer
wesammohamed219’s Profile Photo wesam
ESRAAMAGDY01018’s Profile Photo esraa magdy
lobnaelmoslmany91’s Profile Photo لُبْنَى
mahamadebraheem5’s Profile Photo مـحمد إبـراهـيـم,,
El_Osha’s Profile Photo شّـيمَـاء

انا حقيقي تايه مش عارف اعمل ايه حاسس اني محتاج حد يشيلني من جوايا ويحط انسان جديد عشان يقدر يتأقلم مع كل الناس اللي حوالينا لكن طيبتي وثقتي دي هتموتني قريب

AAA...
‏اليقين .. هو أن الدنيا تبقى ملخبطة جداً معاك والظروف صعبة ، وانت واثق انها حتتعدّل ، مع انك مش عارف كيف ولا امتى بس " متأكد " بإن الرحيم الكريم مش حيسيبك و بإنه حيدبر أمرك بأفضل مما تتمنى.
3
Liked by: Yasmin Hamdi سَـــــــما✨

مِےـسًےـٱٱحًےـةة💙🦋..

hedaya3311’s Profile Photoهِــداٻــۃ..
‏متأجلش أي حاجة ..
متأجلش أعتذار .. متأجلش أهتمام .. متأجلش محبة .. متأجلش توبة .. متأجلش كلمة حلوة حاسسها لحد بتحبه ..
متأجلش يمكن دي المرة الأخيرة، أو دي المرة اللي تفرق.
3
10
Liked by: Yasmin Hamdi هِــداٻــۃ..

صباح الخير 💙🦋..

hedaya3311’s Profile Photoهِــداٻــۃ..
صباح الخير.
"قد تكونُ الفترةُ التي تعيشُها الآن هي أجمل مقطعٍ ترويه غدًا في قصةِ نجاحِك، كافِح، حاوِل، اجتِهد واسعَ لحلمِك فالمسافةُ التي قطعتَها تستحقُ التَّضحية."💙
3
Liked by: Yasmin Hamdi هِــداٻــۃ..

هو انا ليه الشاوت بتاعتي مش بتوصل للناس ومحدش بيرد عليا 🥺🙄

Nour2796’s Profile Photoشروق تاج الدين
السؤالين واصلين مع بعض 🤦‍♂️😂 تقريبا مش بيتبعت ف نفس اللحظة اللي بتبعتي فيها وبيتاخر.. وبعدين م حدش يقدر يتاخر عليك ي كبير
2
Liked by: Yasmin Hamdi

كل الجوازات اللي قدامي بتخليني الغي فكرة الجواز وانا ضميري مرتاح.

emooderaz’s Profile Photǫن
مايمكن يكون نصيبك وقدرك حلو ؟؟ استعن بالله ولا تعجز .. تفاءلي بالخير تجديه .. بلاش تقفليها في وشك .. ربنا كبير وكرمه وفضله مالوش اخر
4
Liked by: Yasmin Hamdi

من رايك لي مفيش علاقه بتكمل بين اتنين مش من نفس المحافظه؟!

_Xanthophile1’s Profile Photobivli..
هو تقريبا ده مش شرط أساسي .. فيه علاقات بتكمل انا اعرف اتنين العريس من اسكندرية والعروسة من قنا .. و امي من الغربية وابويا من شبرا الخيمة وهكذا .. واختي من شبرا الخيمة وعريسها من بنها .. وهكذا .. هي ارزاق واقدار .. وتساهيل من ربنا .. لو انتي من الشرق وهو من الغرب وربنا كاتبلكم تتقابلوا هتتقابلوا ..
4
Liked by: Yasmin Hamdi

لو بتحب شخص وعاوز يغير فيك حاجه تبعد ولا تكمل؟!

_Xanthophile1’s Profile Photobivli..
اللي اوله شرط اخره نور .. بيبقى فيه اتفاق على كل حاجة ومن ضمنها عيوبي ومميزاتي .. لو كل واحد فينا موافق على عيوب التاني خير وبركة .. لو فيه مشكلة او عيب معين ... بنشوف نفسنا هنعرف نتاقلم معاه ولا لا .. مش هنعرف نتاقلم معاه ونتحمله يبقى كل واحد يشوف طريقه من الأول .. لان مافيش حد بيتغير عشان حد
4
Liked by: Yasmin Hamdi

-

البساطة بتبهرني، الطيبة والحنية بياخدوا قلبي، بضحك في وش الغريب، وهروح لربنا بمحاولاتي المستميتة ان كلامي ميجرحش حد، وبحب أحاوط نفسي بناس مضطرش معاهم أنى أبرر كل حاجة بعملها، ناس يعذروني لو غلطت
4
10
Liked by: Yasmin Hamdi

نفسك تسافر فين ؟ و تاخد مين معاك ؟

Amani192017’s Profile PhotoAmani
داخل مصر :- اسكندرية و سيوة ودهب ومطروح
خارج مصر :- البوسنة والهرسك و تركيا
و هي تبقى معايا 😍😍
4
Liked by: Yasmin Hamdi

Space 💥

أنا مِن النّاس المُريحة اللي بتحب تكبر دماغها وتريح اللي حواليها؛
بمعنىٰ إنك هتمشي مش هعاتبكَ ولا هسألكَ مشيت ليه،
هتعمل Unfriend أو Unfollow تمام زي مَا تحب،
هتسكت هحترم سكوتكَ، هتتكلم أنا كُلي أذانٌ صاغية،
هتحتاجني في أي وقت هتلاقيني،
ودايمًا هكون محترم قراركَ واختياركَ بس أنتَ خليكَ قده.
4
Liked by: Yasmin Hamdi

تحت عنوان "علمتني الحياة" ماذا ستكتب؟!

amlalgharbawy’s Profile PhotoAml Algharbawy ♡
ماحدش هيخاف على مصلحتك أكتر منك انت وابوك وامك ..
ماحدش هيراعي شعورك ويحبك .. غير واحد بيحبك أوي او واحد عايز منك مصلحة ..
مش مهم وشوش الناس فيها ايه .. المهم قلوبهم شايلة ايه ..
ماتتعودش تسيب حقك بصفة متكررة لأن بعد كده هيبقى فرض عليك تسيب حقك ..
ماتسامحش كتير .. هتتأذي جامد والله هتتأذي أوي ..
ماتديش فرصة تانية لحد تعمد انه يأذيك في المرة الأولانية ..
ماحدش بيتغير عشان حد .. يا تاخد الشخص ع عيبه يا اما تسيبه من الاول ..
كل مابتبعد عن ربنا كل مالدنيا بتقفل في وشك وكل مابتقربله كل ما ابواب الخير بتفتح في وشك ..
رضا الوالدين والصلاة أهم مفتاح للسعادة والتوفيق في حياتك..
حسن الخلق بيخليك تكسب اي حد قدامك .. خليك كويس وسوي نفسيا في التعامل مع الناس هتكسب عيونهم وقلوبهم ..
5
Liked by: Yasmin Hamdi Aml Algharbawy ♡

Next

Language: English

4.1

1,266,418 reviews
© Ask.fm 2024