لا اله الا الله.. الكلمة دي غلط جدا.. فيعا اعتراض صريح على قضاء الله وقدره.. ماينفعش طبعا نقول كدة.. امر المؤمن كله خير.. لازم نسلم لأمر الله.. عقلنا المخدود عمره ماهيعرف الحكمة من اللي بيحصلنا.. استغفري.. وخلب عندك ثقة في الله ان هو هيعوضك خير وهيجبرك ان شاء الله
أهلك اهم حاجة عندهم ترجعلهم بالسلامة .. انا حرفيا حاسس باللي انت بتتكلم فيه لأني مريت بيه .. وعارف يعني ايه تروح جيش وأهلك محتاجينك .. ولكن ماتعملش كده في نفسك أيام وهتعدي وأهلك هيعرفوا يصرفوا نفسهم وربنا هيسهلهم أمورهم ماتقلقش ربنا كان بيدبرها من عنده والله
مش عارفه اللى بقوله دا صح ولا غلط بس انا اتعلمت ان انا محكمش ع حد من ماضيه، كل واحد ليه فتره بيكون عايز يمحيها من حياته وحصل فيها حاجات كتير غصب عنه او بدون وعى، ف انا ليا ف اللي انا شايفاه منك دلوقتى واللي هشوفه منك بعدين وبس ونرجع للقاعده الاساسيه "لا يوجد ملائكة ع الارض هنا" ..🖤
ده صح مليون ف المية.. سيدنا عمر ابن الخطاب في ماضيه قبل الاسلام حاول يقتل النبي.. وحشي ابن حرب في ماضيه قتل سيدنا حمزة عم النبي.. ولما اسلموا. سيدنا عمر بقى بيتضرب بيه الَمثل ف العدل وفرق الله به بين الحق والباطل.. وسيدنا وحشي قتل مسيلمة الكذاب واراح الناس والامة الاسلامية من شره.. اكيد طبعا مانحكمش على حد من ماضيه اطلاقا... انا ليا بحاضره ومستقبله.. كلنا كان عندنا ماضي سيء.. ومش من حق اي حد يحاسب اي حد على ماضيه اطلاقا..
معايا ناس فالشغل اكبر منى طول الوقت يقولولى اعملوا انتوا شباب وصحتكوا مسعداكوا احنا كبرنا ولما اتعب عادى يبرطموا اننا كنا فسنكوا بنعمل اكتر من كدا مالكوا لحد ما رقدت فالسرير نقص مناعه وانيميا وفيتامينات وبهدله دلوقت بقي بفكر جديا اسيب الشغل بس زعلانه على شويه النجاح الى عملتهم فالمكان تنصحونى بايه
ترجعي شغلك.. تشتغلي على قد المتاح ليكي وعلى قد مجهودك.. ماتشغليش بالك بكلام النسوان والعجن بتاعهم.. مهما عملتي مش هيعجب.. خلي شخصيتك قوية.. ماتخليش حد يأثر عليكي ولا على معنوياتك بكلمتين مالهومش لازمة.. ماحدش شايف ظروفك ولا حد عارف انتي بتمري بايه.. ربنا يوفقك ويعينك ويشفيكي وتقومي بالف سلامة ان شاء الله 😅❤️🤍
صحبتي مبتصليش .
وحاولت معاها كتير جدا أنها تصلي
واتكلمت كتير اوي
و بعتلها فيديوهات
المفروض اتصرف ازاي تاني !
هي طول عمرها مش بتصلي
ومافيش حد عندهم ف البيت بيصلي
وهي حياتها ملخبطه جدا وفعلا هتتظبط اما تصلي
اتصرف ازاي !
لا حول ولا قوة الا بالله .. مشكلة كبيرة والله ربنا يعينك ويقويكي وتاخدي بايد صاحبتك للجنة استمري على نصحك ليها ونوعي في طريقة نصحة مرة بطريقة مباشرة ومرة غير مباشرة وهكذا حفزيها وحذريها خدي بايديها بالعافية قوموا اتوضوا سوا وخليها تصلي معاكي .. صلي قدامها كتير والأهم من ده كله دعوة بقلب صادق في الثلث الأخير من الليل بظهر الغيب .. ربنا يبارك فيكي ويثبتك ويعينك .. الموضوع صعب ومحتاج صبر ماتسيبيش صاحبتك غير وهي بتصلي