مرة قبل فترة استشرتك بهيك موضوع وكان جوابك كثير واقعي وجرحني وكنت متمنية ما اسمع منك هيك جواب
بس هسا لما قرأت هالسؤالين تذكرت الموقف وحمدت ربنا انه رديت عليكي وحسيت انه لازم اشكرك وأحكيلك انك صدقك بالنصيحة وواقعيتك اعظم شغلة بتقدميها للإنسان لما يسألك عن شغلة و تنصحيه
الله يرضى عنك ويحنن عليكي💟💟
الله يكرمك، أنا ممتنة، ممتمة جدًا لهالكلام إنه تبدأ سنتي فيه وتعطيني طاقة أكبر.. ما بهونلي، والله، بحب كل بنات العالم زي كأنهم خواتي وبنقهر بس أشوف بنت قلبها مكسور وحزين، وبعرف إنه وجع النصيحة ولا وجع خسارات أشياء لو عاشت العمرين ما حتعرف ترجعها لحالها.. في شغلات بينا وبين حالنا ما بتتصلح أبدًا، حتى لو ما حدا عرف ومشيت حياتنا وربنا سامحنا، ما رح نسامح حالنا.. الله يكرمك ويرضى عنك ويحفظك من كل شر ❤