يالله كيف الناس !! كيف احنا عايشين ! و كأننا بغابة ! بل اجزم اننا تجاونا قانون الغابة ! القوي هو اللي بيوكل الضعيف و الكل ساكت ! ما حدا مسترجي يتحرككل همنا شو بدنا نعمل بكرا و شو بدنا نسوي ! كيف بدنا نكون مبسطين .. كيف بدنا نغير جو و نغير الروتين العايشينو ولسا مع هيك بنتململ من حياتنا و مش عجبانا !بدنا كمان و كمان بس ناسيين انه احناعايشين بآلف نعمة و طبعا في غيرنا عم بنقتل من غير اي ذنب اطفال امهات شيوخ يالله !! اااخ بس بكل دقيقة بتمر في ام بتسقط دموعها على فقدان ابنها بكل دقيقة بتمر ابن بتزكر حنية امه اللي انقتل من دون اي ذنب !! المشكلة القتل صار كتير روح انسان رخصت ! كيف انسان بكون بتنفس و بتحرك وكلو ارادة و حب للحياة و بدو يعمل و يسوي و فجأة بنقتل من غير اي سابق انذار ! بنقتل لانه في غيرو بدو يسيطر و يقعد ع الكرسي اهلا بالبلاد العربيه #سوريا#مخيم اليرموك#غزة#فلسطين#العراق #اليمن#....مجرد فضفضة !!
اللي تزكرته هلأ مرة كان عندي امتحانين ورا بعض من ضمنهم لاب سي بلس بلس و انا يومها كنت مسطلة المهم :: فرحت دخلت ع قاعة الامتحان و لقيت كل الطلاب قاعدين و بطلعوا ع اللوح عند الدكتور فـ انا قلت بعقلي انه يمكن الدكتور كاتب الاسئلة الامتحان ع اللوح يعني كله لاب مش محرزة يطبع الورق :P فكان كل تفكيري انه بلشوا الامتحان ! وانا جاي متأخرة و وقتها كان كل همي اني الاقي كرسي اقعد عليه عشان امتحن دخلت شوي و صرت ادور بالنظر ع كرسي ولا بطلع ع الدكتور الا هو مش دكتوري !! و بعديها عرفت انه باقي يحكي خير ؟! خير ؟؟ خير ؟!! اخر اشي فقد الامل و صار يضحك !! وانا مش سامعاه اصلا كنت بس مركزه وين بدي اقعد !! و عشان تكمل شفت صحباتي اللي بوخدوا معي الماده اللي بدي امتحن فيها بالقاعه هههه !!المهم طلعت من القاعة اطلعت ع الساعة از انه ضايل للامتحان ربع ساعة هههفكان فعلا موقف لا احسد عليه ههههو توتا توتا خلصت الحتوته