انا مش من نوع اللي بيثبت ع قارئ ، يعني مثلا عندك .. وديع اليمني تحفه ف مريم و يوسف و المؤمنون مشاري لا يعلى عليه ف سورة ص و النجم الشريم في البقره و ال عمران ادريس ابكر ف سورة الصافات حسن صالح في سورة الزمر هشام الهراز و احمد الغنام الطبلاوي في سورة الرحمن المنشاوي الحفلات بتاعته عبدالباسط في النساء و المائده وهكذا بأه .. كنت كل ما بسمع صوت يعجبني بجيب القرءان كله تقريبا بصوته والاقي قرايه ل سوره أو جزء من سوره بصوته ماحدش يقدر يضاهيه فيها ولا يلمس قلبك وهو بيقرأها ..
ليه النسوان تحب تحس انها مسيطرة
ماعرفش
كل ما هتقرب من 30 هتلاقي نفسك بتتحول لشخص انت مكنتش فاهمه زمان
كل مدى بتحول ل شخص ساكت عن كل حاجه وكل المشاركات وكل الناس .. كل مدى الواحد بيبعد واحده واحده ومش فاهم السبب بس بقول لنفسي لو اتكلمت هيبقى فيه مناقشات ع الفاضي وانا زهقان اصلا
انا هعمل شيفت كارير بسبب كل الناس اللي بتكره المهندسين و مش طايقينهم و شايفينا توكسيك دا احنا رايقين 😂
انا واحد منهم وبقولك احنا توكسيك و قليل اللي بيتحملوا تصرفاتنا و دماغنا
احنا شلة ٤ بنات مع بعض فى الجامعه اكتشفت إن فى واحده منهم بتكلم ولاد بعدد شعر راسها وهى حرفيا اتفضحت وسط الولاد كلها المفروض اقطع علاقتي بيها ولا عادى السؤال يعنى هل السمعه دى بتلط الشله كلها وبيبقي الكلام علينا وحش ولا عادى كدا كدا مليش دعوه ومش بعمل حاجه غلط ؟
هي اها بتلط الشله كلها .. ممكن تكلميها ع جنب كده بينك وبينها أنها ماتكلمش حد وتتعلم من اللي حصل والبنت اللي بتكلم ولاد كتير بيتقال عليها كلام وحش ف مجتمعنا غير الذنوب اللي عماله تاخدها .. واحده واحده شدي ايديها معاكي ، ولو ما اقتنعتش ف ابعدي عنها ، يعني ع أد السلام و مساحه انها لو طلبت منك حاجه ف الجامعه ك محاضرات أو انك تفهميها حاجه ف تمام ، لا اكتر ولا اقل
لو جه قاتل مأجور وجه قبل ميقتلك بلحظه قالك لو قولتلي سبب مقنع عايش عشانه واقنعتني بيه مش هقتلك هتقوله ايه ؟
طالما مأجور ف مش هايفرق معاه اي سبب
انا عندي مشكلة مع وزني دايما مخلي ثقتي في نفسي قليلة و نفسي اخس اوي و مش عارفة اعمل ايه دايت و بفشل فيه و اهلي مش موافقين ع العمليات بجد زهقت و نفسيتي تعبت
التزمي بالرياضة و الدايت عشان ماتبقيش متضايقه ، واشتغلي بالمتاح
محدش يكسب ، لو انا بنت وبيتنا كله بنات و ماما ومعندناش اي راجل خالص (متوفي)لما اتجوز ايه هيحصل؟ مين هيقعد مع العريس ومين هيكون سندي لو اتخانقت مع العريس وهو مش هيجي ف يوم و يعايرني انه معنديش سند؟ نفسي يكون هو سندي لان دا هيكون سندي الوحيد ف الدنيا بس اكيد هنتخانق و يعايرني ف يوم انه مفيش حد هيزورني