لما بتحب تنزل كتاب pdf علي الايفون ،من جوجل،بتحمله ازاي ؟
مش عارف الصراحه .. عشان مجربتش الحقيقه
ازيك يا خالد ؟ :)
الحمد لله تماااااااام :D ايوا احب انا الناس اللى تعبرنى و تسأل عنى دى :D حتى لو مش عارف مين ? انا الحمد لله يا أنون .. و انت عامل ايه ؟؟ يا رب بخير و صحه و سعاده :D
بتابع اسك مين علطول ؟
مبتابعش بصراحه ? اللى قريبين منى ببقى اتطمن عليهم كل فتره او هما اللى بيسبقونى ?
السلام عليكم اولا
ثانيا بقى لو سمحت يا دكتور هو احنا هنجيب الشنطه اللى سنه تانيه قديم كانت بتشيلها(اللى بيقولوا عليها شنطة السباكين) هنجيبها السنه دى ان شاء الله ولا لا؟
ولو كده بتتجاب منين واسمها ايه بعد اذن حضرتك
و عليكم السلام و رحمة الله :D لا مش هنجيبها السنه دى ان شاء الله احنا المواد اللى عندنا السنه دى كلها نظرى -- بتتجاب من اى مكتبة من المكاتب اللى قدام الجامعه يعنى ممكن الفجر او ماى دريم او شركة النور يبقى عندهم .. دا حتى ممكن تبقى موجوده ف Pen & Paper -- اسمها Tool box -- بس زى ما قلت مش وقتها السنه دى ان شاء الله
بجد يا خالد لو حد جايب 70 وشد اوى ممكن يتعين ولا نبقا بنضحك ع نفسنا كن صريح
434/620 تقريبا تساوى 70% ----------------- تقريبا مجموع الدرجات كدا حوالى 5000 بتاع السنين كلها . هنفترض انه 5000 بالظبط ... --- يعنى دلوقتى مجموعك من ال 5000 عباره عن 434/5000 ---- لو ف باقى السنين .. اللى هما مجموعهم = 5000 - 620 = 4380 جبت منهم 3985.8 يعنى 91% .. و دا تقدر تعمله بانك تحافظ ع مستواك ف ال Range دا ف كل السنين الجايه --- كدا مجموعك الكلى بقى 3985.8 + 434 = 4419.8/5000 يعنى حوالى 88.4 % تقريبا ... --- درجه زى كدا تعتبر ميته ... يعنى ايه ميته ... يعنى للى عايز يجيب امتياز تراكمى و خلاص .. طب اللى عايز يرتب ع الدفعه بعد ما حصله ظروف ف اول سنه .. يبقى لازم تجيب كل السنين درجه اعلى من ال 91 % اللى انا بنيت حساباتى عليها .. متقولش صعب و مش صعب و الجو ده .. اجتهد و اعمل اللى عليك و ادعى .. و ان شاء الله توصل .. الاوائل بيبقوا جايبين ف اوائل التسعينات ... بس بردو على حسب كل سنه و مدى صعوبة المواد فيها .. تعلى او تقل الدرحات ... المهم بس تجتهد و تدعى و مفيش حاجه بعيده عن ربنا
اتمنى كلامى يكون حسن من حالتك شويه .. عشان انا حاسك مضايقه و زعلانه ... مع ان و الله الرضا و كلمة الحمد لله مريحه اوى .. و كمان الدعاء للسنين الجايه هيفيدك .. و متستهونيش بالدعاء ... و انا كمان هدعيلك مع انى معرفش انتى مين :D -- و اتمنى بردو مكنش ضايقتك بأسئلتى او من هزارى ... :D
امم ... يعنى انا كنت سألتك قبل كدا .. ؟؟ ولا انتى حابه تقوليلى انا لغرض معين ؟؟ معلش مجرد فضول .. فضول غريب .. لو مش عايزه تجاوبى براحتك
جبت جيد وبصراحة مضايقه جدا لاني اجتهدت وعملت الي عليا طول السنة بس حصلتلي ظروف أيام الامتحانات وتعبت وكنت هاجل بس دخلت وحصل الي حصل
اولا ... ألف مبروك النجاح .. و الحمد لله حتى يبلغ الحمد منتهاه على كل الأحوال ... لازم نحمد ربنا ... حتى لو كان ايه اللى حصل .. بردو نحمد ربنا ... -- ثانيا بقى طالما اجتهدتى .. و عملتى اللى عليكى .. بس حصلت ظروف ف الآخر .. دا معناه ان ربنا بيختبر صبرك .. يبقى الصبر ع البلاء لازم انصحك بيه --- ثالثا بقى .. سنه اولى دى مش مقياس .. و لو شديتى حيلك السنين الجايه ان شاء الله و تدعى ربنا يوفقك و ان شاء الله ربنا يستجيب .. هتقدرى تخلى تقديرك التراكمى امتياز لو انتى عملتى اللى عليكى و دعيتى ربنا و انتى موقنه بالاجابه -- مقدرش اقولك اكتر من كدا -- -- بس ممكن اعرف انتى داخله تقوليلى الكلام دا ليا انا بس ولا باعتاه لكل اللى ف دفعتنا ولا ايه ؟ ?
لو ولد اتعلق ببنت بس مش جاهز انه يتقدم بحكم ان لسه بدري وكده ممكن يقولها ويتفقوا يكملوا سوي لمرحله الارتباط ولا يكتم في نفسه وينسي
مع العلم انها مكتمله فيها كل مواصفات الزوجه اللي بيتمناها ؟؟
مش هيعرف يعرف اهله و اهلها ع الاقل .. يبقى بلاش احسن ... هيجرا ايه لو الاهل عرفوا و دخل البيت من بابه و فهمهم وضعه انه لسه بيدرس .... و يا اما يتقبلوا يا اما لا ... احسن بكتير من الحل التانى دا ✋