- انك تكون من عرب ال 48 : يعني خاين بعيون العرب .. وعدو بعيون اليهود .. وصامد بعيون نفسك وعيون اللي فاهمين وضعك انك تكون من عرب ال 48 : يعني عايش بذل وقهر واستبداد وعنصريه وما بتم التعامل معك الا بتمييز مرفوض ، وفوق هاد بيجي الاخ من الدوله الشقيقه ويقولك : انت من ال 48 ؟ يعني انت نصف يهودي ؟ انك تكون من عرب ال 48 : يعني انه يسألوك كيف انت فلسطيني وعايش باسرائيل ؟ .. نسيوا انه اسرائيل هي فلسطين وانه انا بفلسطين مش باسرائيل انك تكون من عرب ال 48 : يعني انه تكون فلسطيني وعايش بفلسطين ومرغم على حمل جنسيه الدوله المحتله انك تكون من عرب ال 48 يعني يطلع عليك نكته : ناس يقولوا مين ياللي ناقصه علامتين منشان ينجح انك تكون من عرب ال 48 : يعني انك ضليت صامد في ارضك فلسطين انك تكون من عرب ال 48 : يعني ينحرق دمك وانت تحاول تفهم الناس انك مش خاين لوطنك .. وااااه انت فلسطيني كح :))