الطفل مش بيتعلم من الضرب ، ولا الصوت العالي ، طفلك محتاج تحت اي سن هو فيه رعاية نفسيه ، تسمعه وتشتري منه افكارة الضعيفه اللي لسه بتنضج جوة عقله ، وتبسطهاله اكتر وتقوله علي ايجابيتها وسلبيتها ، وتسيبله حرية الاختيار ، عشان هيتعلم من التجربه مش هيتعلم من قلم او ضربه او شخيط فيه ونرفزة عليه ، خليك معاه خطوة بخطوة في قراراته الصغيرة قبل الكبيرة ، خليك انت المستر بتاعه في مدرسة الدنيا ، علمه ازاى يعيش وميعملش حاجة غلط مش عشان خايف ينضرب لا عشان عارف انها غلط وهتاذيه لو قرب منها او عملها ، الطفل لو دخل موقف واختار اختيار غلط ، وحس بالذنب واتاذي منه ، بيقوي قدام ضعفه مية مره ، وبيعمل حساب الغلط قبل الصح ، علموهم ازاي يحبوكم عشان انتوا الامان في الدنيا دي ، مش عشان خايفين من وشكم التاني ، حبوا اطفالكم .!
الشخصية الخيالية ؛ هى اللي حياتها عبارة عن ملكوت من خيالها، فيه هي لوحدها بعيد عن العالم، مستعينه بالهاند فري، المزيكا، القراءة، القعاد في البيت لمدة طويلة جدًا .!