- معاكي منديل ؟؟ --آه حتلاقي في الشنطة يفتح الشنطة ويبدأ في رحلة البحث ليجد نفسه أمام برنيطة الساحر - الساندوتش اللي في الشنطة ده إيه ؟ --تشيز برجر من أمبارح لو عايزه كله - أنتِ بتشيلي سلاح ؟ --سلاح إيه !! ده مبرد ضوافر - هو مش ده الشاحن بتاعي ؟؟ --آه أصلي ملاقتش الشاحن بتاعي - أنتِ لامؤخذة حطة قميص نوم في الشنطة ليه ؟ --ده إزدال يا خفيف - طب والمقلمة دي إيه ؟ --ده الميكاب بتاعي - طب فيه حاجة شبه التعبان في الشنطة --دي عسلية بس ساحت من الحر - إيه ده أنتِ بتقري لباولو كويلو ؟ --آه ساعات - أنتِ بتلعبي كوتشينا ؟ --يعني ممكن - أنتِ كنتي مسافرة ؟ --آه كان عندي شغل في القاهرة يومين كده..بس كانت بهدلة - صورة مين دي ؟ --ده أبن واحدة صاحبتي..شوف كيوت أزاي - أنتِ شكلك مخلفة من ورايا التيتينا دي بتعمل إيه في شنطتك ؟ --دي بتاعت دودو ابن سلمى صاحبتي كانت نسياها في العربية فحطتها في الشنطة عشان أفتكر أديهلها..بس بقالها شهر ونص - هو أنتِ حرامية..إيه المفاتيح دي كلها ؟؟ --دي مفاتيحي فيه إيه مالك !! - أنتِ رحتي حفلة سعاد ماسي ؟ --كانت جامدة جداً مش عايزة أقولك - طب وحيات أمك فين المنديل ؟ --في الجيب اللي جوه الشنطة - لاااااا هو لسة فيه جيب وما خفي كان أعظم