هناك فرق بين سلوكك وشخصيتك ..قد يكون شخص طيب وسلوكه عدائي بسبب الإستفزاز الذي اثار غضبه وجعل ردة فعله عنيفه وهذه السلوك لا يعكس شخصيته بل يمثل ردة فعل لوضع حالي بسبب آخرين ..
كان عندي سيارات و العاب و اتعجب ليه انارة السيارات تزيد مع البطارية الجديدة و تضعف مع البطارية القديمة، عاد عارفين صديقكم ذكي من يومه 😂 قررت انزع اللمبة من السيارة و اشبكها ببريزة الكهرباء و كلي قناعة ان هاللمبة بتنور كامل الغرفة 🤦♂️😭😂ما يحتاج اشرح شصار بعدها و كم يوم صرت تحت الحراسة 🌚🙂
شكرا ريهام 💕 ما فيني احجي تعبت و انا اتحلطم و ما احد يكترث لي 😭. بس من سؤالك يبين لي انك موافقه تسمعين 🙂. الله يسلمك اتعجب كيف تكون شركات كبيرة تحت رحمة موزع لا يفقه شي بالسعودية. تعبت نفسيا ابحث عن قطعة سخيفة بالسيارة و مو موجودة بكل السوق ولازم اطلبها اون لاين او من الشباب اللي تطلع دبي دايم. تبا للفخامة اللي أنا مو قدها 😭💔
كنت اجتماعي بشكل رهيب و معارفي بكل مكان، لكن جاتني قناعة بضرورة الكيف و ليس الكم. اصدقائي اصبحوا معدودين عالاصابع و متواصل معهم بشكل يومي. بتقل جودة التواصل مع انشغالي بالحياة الزوجية و الوظيفة لو استمر العدد الكبير فقررت اختصر تواصلي الدائم مع فئة تقريبا من ٧ الى ١٠ اشخاص لضمان الجودة و عدم تأثير ذلك على حياتي الخاصة.
هندسة مدنية، ما عملت دورات لأني من دون مبالغة اسعى لنشر الوعي للناس من دون مقابل و اعتبره جزء من خدمة المجتمع اللي علمني كثير و واجب انقل للمجتمع و افراده ما تعلمته.
يُقال بأن الإنسان عادة ما يتخذ قراراته المصيرية وقت ضيق النفس وتكالب الحزن ، فيظفر بتغييرٍ ما ويعاهد نفسه عليه .. هل توافق أم تختلف .. وإن كان هنالك تغيير فهل سيستمر ؟!
للأمانة باخر الاسابيع ضروري تكثف من جهدك. بيكون المطلوب منك اتمام عملك و بنفس الوقت ترتيب خطة للعمل اثناء غيابك بحيث تعين شخص يغطي مكانك و تخصص وقت طويل للجلوس معه و تزويده بكل التقارير و المعلومات اللي من خلالها يستطيع اتمام و لو جزء بسيط من عملك.
صددددمة بس من خلالها نعرف حجم اصحابنا 🌚 صار لي موقف، كنت مقترض قرض الزواج من بنك التسليف و كافل نفسي بما اني موظف حكومي، باخر يوم لي بالوظيفة الحكومية طلبوا مني كفيل عشان يكملوا اوراقي و طلبت من صاحبي يكفلني و وضحت له ان المبلغ جدا زهيد و مستحيل اتأخر بالتسديد و كان الرفض رده و جاتني صدمة عاطفية بما اني صاحبه و انا اللي توسطت له بهالوظيفة >> بدينا بالمنة 🙃المهم قررت ادفع كامل مبلغ القرض و احافظ على كرامتي و رفضت رفض تام اطلب من اي شخص يكفلني لكن جاني عدوي اللدود اللي كل يوم كنت اتهاوش معاه بالدوام و قال لي بما انك قررت تطلع و تفكنا من وجهك تعال انا اللي بكفلك 😂😂 و فعلا كفلني و صارت علاقتنا شزينها و صرنا اصحاب بعد العداوة 💔😂
اتحلطم 🌚 على هالطاري، انا حاليا بالبنك و بصراحة نظامهم جدا جدا غبي و ما في الية واضحة للانتظار فلوسك هي اللي تحدد مدة انتظارك 🙃 مثلا رقمك ٤١٠ فجئة يوصل دورك و تشوف يسبقك شخص رقمه ٢٠٠٥ لانهم عملاء ما ادري اي وسام 💔الزبدة بنك خايس و لو يحلمون ما حولت راتبي عليه و ما راح يفيدكم كل طرق الابتزاز هذي 🌝