شمعة، فلة و منورة 🙃! الصج يعني : اكبر واحد بالاسك ، احب الاسك من بين كل برامج الميديا ولا اعرف الاسباب و اخيرا هالفترة سمنان و احتاج نصايح الرياضيين منكم 😔
شكرا فاطمة اختي الصغيرة 😅 وصلت لقناعة ان السكوت عن الحق يسلبك شخصيتك و احترامك. تنازلت عن اجازتي بمارس و برمضان و كلها لضغوط العمل لكن الثالثه ثابته و بطلع لو على جثتي ، مو منطق اني السهل اللي ما يطقوا له خبر و متأكدين اني بتنازل و بوافق عالتأجيل. خطتي اتسدح و اتشقلب بالبيت و بطلع يا مديري العزيز 😒
شرايك في سالفة الشراكة في اي بزنس مخطط له بشكل كامل ان كان مع صاحبك او احد من اهلك او شخص غريب عارض المشروع ماله ف الانترنت و يطلب شركاء حق رأس المال علمنا عن وجهة نظرك مع كل نوع من الاشخاص.
اللي اخترع غسالة الصحون يجي ابوس راسه 😍❤️، جدا مناسبه لحياة العزاب و حتى المتزوجين اللي كل يوم متصرقع مع زوجته 😂 الحين عادي تقدر تتهاوش مع زوجتك و ما تبتزك 🏃🏻♂️🏃🏻♂️!؟
بالبداية كنت بدخل مسار صحي مع اني مو مقتنع لكن فقط حبيت ارضي الوالدة و الحمدلله تداركت الوضع 🌝 السيناريو: اتخيل نفسي الان بدل السدحة عالكنبه و بالبيت ، اكون بالطوارئ بمستفى الملك فهد و اسعاف داخل و اسعاف طالع و انا مو شغلي الا امسح بهالدمان و احاول انقذ خلق الله . الله يحفظنا و يكون بعون كل شخص يشتغل بهالمجال فهم كالجندي المجهول اللي قليل يعطيه حقه بصراحة , الشائع ان الدكتور راتبه عالي و الكل يتحسد بدخله و قليل جدا اللي يحط نفسه مكان الدكتور و كيف يعاني بهالمجال ❤️