ليه ؟بسأل نفسي أوقات كتير ليه .. بس مش بلاقي ردودمثلاً :ليه الناس ممكن تحقد علي بعض رغم أن كل شخص ميعرفش جوا الشخص التاني أيه ؟ ميعرفش هو عنده أيه في بيته ميعرفش مشاكلة عاملة حتي لو بيضحك في وشة .. ليه كل علاقة حب لازم تلاقي ناس تحاول توقع بين الأتنين الـ بيحبوا بعض وغالباً العلاقة ممكن تدمر بسبب موضوع زي ده .. ليه كل المختلف معاك في العقيدة أو الدين أو الفكر أو المذهب أو أي إختلاف أياً كان بتكرهه وبتتمني موته .. ليه 99 % من المشاهيير تافهين وميستحقوش الـ هما فيه ؟ ليه لما بتحاول تبدع في شئ بتلاقي دايماً إنتقادات وناس تكرهك في شغلك وحياتك كلها .. ليه لما بتعمل خير مش بتاخد خير لاء بتاخد خابور دايماً .. ليه أقرب الناس ليك الأيام دي هما الـ بيجرحوا فيك ويخونوك .. ليه يكون ليك أصحاب مقربين وبدون مقدمات أو مبررات تلاقيهم مع الأيام ولا كأنهم موجودين .. ليه دايماً لما بنتألم من شئ بنحس ونتوجع وبنعمل نفس الشئ في أشخاص تانيه ومش بيهمنا . ليه ماحدش بيفكر في مشاعر وأحاسيس الإنسان الـ بيتعامل معاه .. ليه بنحكم علي الناس بالمظاهر .. ليه بنصنف الأشخاص علي حسب مستواهم عموماً إجتماعي فكري ثقافي علمي ديني بالرغم أن كلنا بشر عندنا نفس الأعضاء ومشاعرنا قريبه .. ليه كل شئ ضد المجتمع بيبقي حرام وكل شئ مع المجتمع بيكون حلال .. ليه دايماً الناس بتتصارع عشان توصل لحكم أو فلوس أو منصب رغم أن كل ده بيروح مع الوقت .. ليه الـ بيكرهك بيضحك في وشك رغم أنه بيكرهك وبيتكلم عليك من وراك .. ليه لو حبيت وأخلصت في حبك وتعبت ممكن في الأخر تنجرح .. ليه كل الناس بتفتكر أن الغني مرتاح وأن الفقير حياته بائسه .. ليه لازم كل مشهور يكون مغرور ولو بسيط ماحدش بيحبه .. ليه في ناس كتير عايشه حياتها كدا وخلاص منغير تفكير ولا هدف ولا أي حاجه .. ليه لما تكون كويس وطيب مع الناس بيحاولوا يستغلوا فيك النقطة دي ويركبوك .. ليه مش من حقك تتناقش مع أمك وأبوك وهما من حقهم يفشخوك .. ليه الناس فاكرين أن حلهم الخروج برا بلدهم ومش بيفكروا أن العيب فيهممش في البلد . ليه كل راجل دين أتسمي إرهابي وكل ملتحي بقي شيخ ..ليه كل ده ؟ وليه الأكتر من ده ؟ هي الحياة مستهله؟؟