هتزعل، هتعيط، هتنهار، هتزعق، هتدبدب برجلك في الأرض، وفي الأخر القدر هيمشي كلمته على رقبتك وكل الي انت بتتمناه هيحصل منه تخاطيف صدف مش عشان انت اتمانتها، ومحاولاتك في كل حاجه هتتكرمش وتترمي في الزباله قدامك، ايمانك كله هيتبخر وهتبقى قاعد على الأرض فاقد كل حاجه و اول حاجه هتفتقدها نفسك.
بحب اقرب من الناس جــداً..وببعد..اجتماعي جــداً..ومنعزل. انفع صاحب جدع..وببقي واطي ومعنديش دم.. مش مجروح ومش جارح..مبحبش حد..ولا اعني لااحد شيء.. مش ظالم ولا مظلوم بحب الناس جــداً بس بكرهم.. عندي احلام كتير جــداً نفسي تتحقق..وبأااس جــداً ف حياتي معنديش هدف…حجات كتير جــداً وعكسها..انا دايـمـاً تايه..عمري ما رسيت علي بر..لحد دلوقتي اما حد بيسالني انت بتحب كذا(اه اي حاجه) ببقي فعلاً مش عارف انا فعلاً دلوقتي بحب ولا بكره . ببقي عايز اجرب دلوقتي وبعدين احكم..مهما كنت مجرب الحاجه دي قبل كدا .. كل التوهه دي مش ف الحجات دي بس..لا ف الصحاب ف الاهل ف البيت..ف كل حاجه قريبه مني بسال نفسي دايـمـاً هوا انا فعلاً امتي هعرف انا عايز ايه وبحب ايه..واللي بعمله حاليا واللي كنت بعمله دا صح ولا غلط… دايـمـاً مش بلاقي اجابه. -انا ممشي حياتي بالعافيه..وراضي جــداً عن اي حاجه عملتها او لسا هعملها..سواء الحاجه دي صح ولا غلط بس برضو..مش عايز اي حد يدخل ف حياتي يبعدني عن الرضا دا