كنت مخطوبه قبل كده لمهندس وحصل تجاوزات بينا ومشاكل ضخمه وانفصلنا وكل مدي يبعت يهددني ويقولي ليكي حجات عندي وانا والله توبت وحاسه ان الشخص اللي متقدم دا عوض ربنا ليا بس خايفه اتخطب التاني يعمل مشاكل تاني من رايك اتوكل علي الله وهو الستار ولا اجل الخطوبه وخلاص مالاساس انصحني فعلا بالله عليك
التوبة معناها انك تقرى بفعلتك وتندمى عليها وتعزمى الا ترجعى لها عشان كده فى نقطتين اولا انك توبتى عشان ربنا مش عشان حد تانى ثانيا انك تتحملى نتيجة خطئك ولو حصل والصور دى وصلت لحد أن ده من فعلك ودى ضريبته وتثبتى على موقفك وتوبتك وماتسمحيش لحد يبتزك وبعيدا عن ده كله انتى لازم تنسى وتبصى لقدام ومفيش حد فينا مابيغلطش اتوكلى على الله لو حد كويس اتخطبى وادعى ربنا بالتوفيق
انا محترمه حضرتك جدا رغم كل حاجه وحقيفي مبسوطه بكلامك جدا بس هو مجتمع البنات اللي بيفرض كده. والكلام زي اي دا خدت اقل منها وهكذا
صدقينى انتى مشكلتك أعمق بكتير من مجرد مجتمع بنات أو غيره مشكلتك انك ضعيفة هشة نفسيا مش قادرة تاخدى قرار وتدافعى عنه قدام الناس معندكيش اى أسس تختارى على أساسها والأسس الموجودة ملعوب فيها من شوية عقول تعبانة وايه مجتمع البنات ده اصلا !؟ تفتكرى أنه هيسعدك مثلا هيريح بالك هيحللك مشاكلك !؟ هل انتى مثلا ذو أهمية عشان يبقالك قيمة فيه !؟ هل الناس كلها مركزة معاكى على الاطلاق مفيش حد أصلا يهمه انتى ولا جوازك ولا سعادتك ولا حياتك انا معنديش مشكلة فى رفضك أنا عندى مشكلة فى نظرتك ومجتمع البنات اللى انتى عملاله حساب ده
متقدملي شاب علي خلق ودين عالي وبيشتغل فبنك ومسالناش حد عليه الا وقال مثال للاخلاق. بس انا صيدلانيه وكذا حد يقولي خدي من مستواكي وتعليمك ومتخديش اقل منك هو تجاره انجليزي انا متردده جدا ومحتاجه حد يقولي رايه
انا من رايى انك لازم فعلا تاخدى من مستواكى مش معقول يعنى واحدة جايبة مجموعك تتجوز اى حد كده !! الدنيا مستويات وانتى فى أعلى مستوى فيها فمش عشان مغريات زى الخلق والدين تتنازلى عن مستواكى !! اصحى .. انتى صح والناس اللى حواليكى صح ومش معنى أنه كان بيدرس بالانجليزى يبقى زيك انتى انجليزيتك ارقى بالطبع ومش معنى أنه جاب تقدير مثلا لأنه اتعين فى بنك يتساوى بيكى انتى صاحبة المجموع العالى والمستوى الطبى الرفيع انتى ماتاخديش اقل من اسنان أو طب هندسة لا اوعى لأن فيهم ناس بتدخل بمجموع قليل وبرده خدى بالك من حتة خاص وحكومة دى واسالى كويس فى الحتة دى لانهم للاسف ممكن يخدعوا بيها امثالك من اصحاب المستوى الطبى الرفيع طب لو جالك صيدلة زيك تعملى ايه ؟ أنا اقولك الأفضلية هنا هتبقى للمجموع والتقدير بمعنى لو دخل صيدلة باقل منك مرفوض ولو تقديره اقل من جيد جدا مرفوض طب فرضا اتساوى فى الحاجات دى !؟ هنا نلجأ للوقت الاضافى وضربات الجزاء بمعنى حضرتك هتديه وقت لتعديل مستواه وامتحان لو عداه يبقى ساعتها يبقى فى مستواكى انا اسف ليكى أن أى حد بيزعجك وبيتقدملك ظنا منه أنه فى مستواكى انتى ارقى من كده بكتير
- سيجمعك الله بما تمنيته رغمآ عن إستحالة الأسباب .💜
يارب
أكثرو من الصلاه علي الرسول في يوم الجمعه ❤
لان فضلها كبير يوم الجمعه ^^
قال رسول الله صلي الله عليه وسلم (إن من أفضلِ أيامِكم يومُ الجمُعةِ، فيه خُلِقَ آدمُ وفيه قُبضَ وفيه النَّفخةُ وفيه الصَّعقةُ فأكثِروا عليَّ من الصلاةِ فيه فإنَّ صلاتَكم معروضةٌ عليَّ) 💚