كويس يعنى نقدر نتفاهم بصى يابنتى الإنسان له احتياج عاطفى الاحتياج ده بينمو ويزدهر مع مرور السنين ومع انفتاح المجتمع واللى بنشوفه بيبقى نفسه يبقى زى دى أو ده او دول فى معظم الأحيان الشهوة والإعجاب بتتحكم فى الاحتياج ده وبتنقله من طبيعته انه جوانا لارض الواقع سواء بطريقة مشروعة أو غير مشروعة فاللى بيحصل علاقات بدافع الاحتياج العاطفى ده مشوبة بشهوة ليطلق عليها حب ويرتكب باسم هذا الحب اسوا العلاقات وعود براقة مزيفة اهتمام فارغ ومشاعر ملتهبة خادعة استنزاف كبير جدا لمشاعر لو اتحطت فى مكانها كانت هتبقى اسعد العلاقات فانا جايلك من بعدين خاااالص وبقولك ارحمى نفسك وماتاذيهاش فى علاقة ماهى الا تفريغ لطاقة عاطفية مكنونة وتطلقوا عليها حب ده كله بعيدا عن المسمى الشرعى العلاقة وكونها حلال او حرام وبالنسبة لكلمة بتتلزقى للشخص ده فاه عادى ماهو بيتلزق ويتحون ويتسهوك اهوو وبعدين ده كلمك مرة بقى مايستغناش عنك !!؟ وعلى افتراض صدق نواياه وأنه فعلا بيحبك هل حبه ده يقاس بكلامه وسهوكته !؟ لا طبعا لو بيحبك فعلا هيبقى عايزك وهيخطبك بمنتهى البساطة ولو اتحجج بالدراسة والظروف يبقى غالبا أو اكيد بيتسلى
هو انتى هبلة ولا أنا كلامى مش واضح !؟ يعنى اللى بيعمله ده يصح والخطوبة ماتصحش !!! ايوه يعنى بعد مايبقى مشدود ليكى ووحشاه وعايز يشوفك هتتجوزوا عرفى ولا هترتبطوا مع بعض فى الحرام !!؟ انتى فى سنة كام ؟؟؟
معتز فيه شخص انا معجبة بيه المهم انا كنت عايزة كتاب كدة هو قالي هيجبهولي وجابلي معاه رواية قالي اقريها هتعجبك ل دان براون المهم هو طلب نشرب قهوة وهو بيديني الحاجة وحصل من بعدها كل شوية يبعت لي كلام حلو ويبقي عايز يكلمني call ويقولي بتفرق كتير وانا مش عارفة اعمل ايه ! انصحني
بيتمحون ويتسهوك ياتصدريله الوش وتكونى رسمى معاه ياتمشى معاه فى الطريق ده وده اخرته مش مضمونة واحتمال تكون نزوة أو يكون عيل صغير ومش قد كلامه وانا انصحك بلاش تمشى فى السكة دى