أنا خلصت الكتاب .أكثر من رائع أول مرة أقرأ للكاتبه دي كلماتها مؤثره .وبتبث السكينه والطمأنينة في القلب .. شكراً ليك على الاقتراح .ممكن تقترح عليا إيه تاني ؟؟
ايه السرعة دى كرريه تانى كمان شهر مثلا او اتنين فى نفس المجال ؟ فى كتب تانية لتنية الوعى النفسى لو تحبى
ياخرابي على الكلام الحلو الي هيطلع قلبي لبره يجيلك طيران ويحضنك ????
انا بتكسف ☺️☺️
أنا عملت كده فعلاً وقطعت كل وسائل الاتصال . هو زي ما بتقول متعلقه بس الحقيقي إن مافيش حاجه هتحصل أنا شايفه المقدمات وأكيد النتائج مش هتختلف .أنا بس قلبي بيوجعني من اللي حصل بس الحمد لله على كل حال 🌸
جدعة انتى عملتى الصح انا مابحبش التردد والضعف طبيعى انك تزعلى خدى وقتك بس يوم ماتقررى تطلعى من الحالة دى هتتعلمى حاجات كتير وانصحك بكتاب اسمه استرجع قلبك لياسمين مجاهد حلو وهيفهمك حاجات كتير
طيب أنا لما سألت قالي عايزك ومش هسيبك ..بس بيقول أنه متردد ومش عارف يأخد قرار .. عارف أنا لما بفكر بعقلي ببقي متأكدة إنه مافيش أمل وهو مش هيعمل حاجه.لأنه شخص متناقض أنا بس قلبي واجعني من جو أحبك أكرهك ده . أنا عارفة إني عملت الصح لما بعدت بس لما رجع كلمني ضعفت .بس لو رجع كلمني بعد فتره تاني أعمل إيه
ايوه انتى متعلقة عشان حاسه بامل وبتكدبى المنطق والعقل يابنتى والله اللى بيعوز بينفذ ومابيمنعه حاجة اقطعى أى تواصل وانهيه وهو لو عايز هييجى والايام هتثبت ولو عملتى كده قوليلى هديكى كتاب تقريه
🌸أنا بس بسأل..هو ده ممكن يكون بيحبني.هي الناس لما بتحب حد تبعد عنه ؟؟طيب إنت كراجل ممكن شغلك وضغط الحياة ميخليش عندك وقت تبعت مسدج واحدة تتطمن بيها علي حد عايز تكمل معاه حياتك؟ .. على فكره هو مقليش إنه بيحبنى ولا مره .هو شايفني حد مناسب للارتباط ..أنا تعبت ...
انا دائما بحب يبقى فى حسم فى الأمور .. كلمة اه بتقضى وتريح ولا بتقضى وتريح.. اللى تعبك هو الامل .. عندك امل أنه ييجى ويخطبك مع أن مفيش دليل غير كلمة قالها ممكن ماينفذهاش .. انتى لازم تكونى حاسمة فى كلامك معاه عايزنى ولا لا .. بلاش سلبية وتأجيل قرار صح خوفا من تبعاته وبعدين مين جاب سيرة أنه بيحبك !؟ انتى قولتى بلسانك أنه معجب بيكى .. هيحبك برسائل يعنى !! ساعات ناس بتحب ناس وتبعد عنها وده مش هتلوميه فيه لان مفيش إطار رسمى بتتحرك فيه العلاقة دى انا ليا رأى ومقتنع بيه أن الظروف عمرها ماهتبقى مبرر لفعل هى بس بتخلى القرار صعب فهو بيختار القرار السهل الخالى من الضغوط والظروف الظروف مش هتخلص لا عنده ولا عندى ولا عند اى حد وهتفضل موجودة هل معنى كده أنه هيفضل معلقك طول عمره !!؟ انا كشخص لا حياتى ولا شغلى هيمنعونى عن حد بحبه اتمنى تكونى فهمتينى واتمنى اكون ساعدتك