عاوزه اعرف ايه الاستفاده من الاسك يعني فاتحاه من فتره بسيطه بس مفيش اي استفاده زيه زي اي حاجه تافهه وخلاص وان كان ع التسليه فمش مسلي خالص فبماانكوا هنا من زمان استفدتوا ايه؟؟والاامسحه وخلاص؟
استفدت كتير جدا شخصيا بصراحة انا بتابع ناس كتير قدرت تغير فيا حاجات وتعلمنى حاجة او ع الاقل تحطنى على بداية الطريق كونك انك مش عارفة تستفيدى يبقى انتى بتستخدميه غلط او متابعة ناس مابتفيدش او انتى مش عايزة تستفيدى لكن هو مش كل الاستفادة
تب دلوقتى فى واحد زميلى هو بيحبنى وقالى كلها
كام شهر واتقدملك
واستنينى وهى مره واحده اتكلمنا فيها وماتكررتش تانى من حوالى ٤ شهور كده .دلوقتى فى واحد متقدملى وكويس جدااا وعاجب اهلى وانا مش عارفه اعمل ايه ! انا زميلى ده مستحيل اروح احكيله او اقوله تعالى اخطبنى مثلا مش هقدر ومش عارفه اوصلهاله !؟
الفكرة انه مش مضمون 100% انه يتقدملك او ظروفه تسمح وانتى من طريقتك باين انك ماعندكيش نية تقاومى او ضعيفة قدام رغبات اهلك فعشان ماتتعبيش نفسك وتتعبيه .. وافقى وبعد كده ماحدش يوعد حد وهو عارف انه مش قد الوعد ده