هي فعلا تستاهل تتحب ، انا بحبها بجد ، بس هي مش مقدره اي حاجه ، مش عامله حساب لاي شئ ، علاقتنا بقت بتتعبني اكتر من انها بتفرحني
لازم تقلليها للاسف خليها سطحية هترتاحى
عندك حق ف كل كلمه ، مفيش حد يستاهل مشاعري وعفويتي ، لان مفيش حد بيقدر اصلا
الحقيقة ان فى ناس تستاهل العيب مش عليهم العيب عليكى .. انتى لازم تتحكمى فى نفسك هم مش ذنبهم انك بتتعلقى بيهم بالشكل ده
انا بحب واحده اوي ، وبتخيلها وبتكلم مع خيالها ، ومش قادره ابعد عنها ، عمري م كنت ضعيفه كدا ، بس مش عارفه اشمعني هي ، انصحني ، انا جالي هوس بيها وهي مش مقدره
علاقة متعبة اوى علاقة الصداقة دى ده استنزاف ليكى ولمشاعرك ومش هتوصلى حاجة واظن ده تعلق مرضى ومفيش لوم عليها الحقيقة انتى لازم تظبطى مشاعرك وتسيطرى عليها لانك رايحة لمنطقة خطر .. جميل ان يبقى فيه اصحاب بنحبهم بس ده وصل لمرحلة محرجة نصيحتى انك تشغلى نفسك باى حاجة بعيد عنها وافتكرى مفيش حاجة دايمة طلعى نفسك براها خالص ماتخليش احساسك ده يسيطر عليكى