إبن البلد ( نابلس ) ابن البلد لو مر عنك بيحكيلك .. عالعااافية ابن البلد لو شافك حامل اغراض كتيرة بيقولك هات عنك ابن البلد لو لجأت له لا يمكن يفشلك و لو على رقبته ابن البلد لو إنت ضيف جاي من برة لا يمكن يخليك تنام بالاوتيل لان كل بيوت نابلس بيتك ابن البلد لو سمع حد حكى عليك بيدافع عنك حتى لو زعلان منك ابن البلد بيساعدك حتى لو ما كان معاه .. بمنع عن حاله و بعطيك ابن البلد ما بيسمح لحد يحكي على بنتك او اختك او امك ابن البلد لو كان تاجر بخصملك و بيقوللك مبروك عليك ابن البلد لو كان شفير و نسيت محفظتك بيقولك .. عمي خليها علينا سلامة خيرك ابن البلد الخضرجي بيزيد المكيال حبتين و بيقولك .. عشان رحمة والدك ابن البلد لو مشي بالشارع لا يمكن يرمي ورقة تشوه الشارع ابن البلد ما بيستغل ظرفك عشان يستفيد لمصلحته ابن البلد الطبيب ما بيتاجر بصحتك و لو صيدلاني ما بيعطيك دوا خالصة مدته و لو مهندس رح يبني لك بيت اساسه متين ابن البلد الاستاذ درسك بامانة ابن البلد ما بيتسلى باعراض الناس و الولايا ابن البلد ما بيتطلع على رزقك بالعكس بيقولك الله يبارك لك ابن البلد لو آذيته بيقول لك يا زلمة الله يسامحك و لو زعل منك بيضل مخنوق و معمي قماره حتى تصالحه و يصالحك ابن البلد جارك بيكون معك عالحلوة و المرة ابن البلد لو حبيت شي معاه بيقولك.. يا زلمة مقدم مبروك عليك و الله ما برجع ابن البلد بضل تعبان حتى يسد الدين اللي عليه ابن البلد لو عرف انك زعلان من اخوك بيضل وراك حتى يصالحك معه ابن البلد ما بزورك في بيتك فجأة بدون ما يعطيك خبر ابن البلد أصيل .. ابن عز و خير عينه شبعانه .. نفسه رضيانة و عقله كبير ابن البلد هو هيك .. و ازا ما كان هيك ما بيكون و ابن البلد نابلس #العشق ❤❤