بتختار الاول اذا كنت عايز باطنه ولا جراحة لو بتفكر ف الجراحة لازم تشتغلها بإيدك الاول علشان تعرف اذا كانت هتمشي معاك ولا لا فأنا اخترت باطنات وبقيت اختار بالاستبعاد الباطنه العامه الهبد فيها كتير فما كونتش حاببها علشان كدا وقولت ممكن الاقي نفسي بتاع ضغط وسكر فلا فاخترت بين الاطفال والكلى الكلى تخصص حد عايز ينفض للطب باللي فيه ودا كان كويس لو عايز تعمل حاجة جنب الطب الاطفال الهبد فيها اقل من غيرها شويه وبيخافوا يهبدوا فيهم الاطفال تحتها تلت اقسام عامة اطفال - رعاية اطفال - حديثي ولاده الاطفال دا شغل العيادات والقسم وادوية السوق الرعاية لو بتحب الاكشن شويه وانواع حالات كتير حديثي ولاده ودا الجزء بتاع الانتخه برضه ف الاطفال والدنيا فيه هاديه لو واحد مش عايز شغل كتير ودنيا هاديه فيه ناس بتختار واحد من التلاته وبتركز فيه ودنيتها فيه بتبقى كويسه يعني فيه ناس بيحاولوا يوفقوا بين اتنين مثلاً ولا حاجة . اختيار التخصص الحقيقة موضوع مزعج جداً لابعد حد وانك تدخل ف واحد وبعد شويه تحس انه لا دا مش نافعني دي برضه حاجة رخمه فيه ناس من زمايلي كانوا بيقنعوني بالكلى وهما اخدوها برضه وما شاء الله شغالين كويس جداً حاول تنزل تشوف على قد ما تقدر الدنيا ف كل تخصص عامله ازاي مش مهم تتعلم حاجة عادي انت رايح تتفرج وتشوف الدنيا عندهم عامله ايه والمستشفى اللي انت رايحها برضه متخليهاش تأثر على حكمك لان فيه مستشفيات زي الجامعة هتلاقي كل النواب اغلبهم كاره التخصص من ضغط الشغل وكدا ومنهم بيسيبه لكن هتلاقي ف اماكن تانيه الدنيا هاديه شوف بس طبيعة الشغل وطبيعة العيانيين ولو عرفت تمد ايدك ف حاجة يبقى تمام
هو الرمد فيه تعليم غير مستشفيات الجامعة لو مليش ترتيب؟
انا مش مع ان حد ياخد رمد برا الجامعة ولا ان بنت تاخد رمد اصلاً علشان التعليم وعلشان محدش بيعمل عمليه ف عينه عند حد برا الجامعه وعلشان محدش بيفضل البنات ف العمليات عموماً هتلاقي نفسك شغال بتاع نضارات ف الاخر
طيب ممكن نصائحك الشخصيه عن طرق المذاكره والوقت المطلوب ونصائح عن خبرتك الشخصيه ف الموضوع دا ؟
شبل كويس بيشرح الفيرست ايد الفيرست ايد مهم فيه اسئلة انت اكيد مش هتكون عارفها عادي لكن ما ينفعش سؤال اجابته موجوده ف الفيرست ايد وانت متعرفهاش كل ما هتراجع اكتر كل ما مستواك هيتحسن ف البداية ابدأ قليل وحط حد ادنى ولو حتى كان قليل عادي خمس اسئله ف اليوم بس تبقى عارف انك لازم توصل لبلوكين ف اليوم بالتدريج الفيرست ايد حد ادنى برضه وتبقى عارف انك هتوصل لمرحلة شابتر ف اليوم
اناً حاليا ف سنه ٥ و أنا لسه بادئ ف المعادله step1 دلوقتى ، وعارف عنها كل المعلمومات وبتابع مع دكتور تاح ، ممكن تقولى هل اقدر اخلصها قبل امتحانات الترم الاول بتاع سنه ٦ ولا مستحيل ؟؟