_ الله أكبر وك يا جماعة بدنا نهاجر مرتين ؟ _ هو بإيدنا يا أبو صالح العدو بيهددو الي بيرحلش بيعرض نفسو للخطر . _ خطر ! أي خطر إلي بدنا نرحل عنو يا خوي ؟ خطر اليهود ؟ ولكو يا جماعة يا ناس محنا هاجرنا أول مرة لحتى نبعد عن الخطر وهياهم اليهود وصلونا واحنا كاعدين في بيوتنا , ولكو يا جماعة ما عاد في مطرح في خطر أكثر من مطرح وبعدين لويمتا بدو يظل الخطر جاي من غيرنا واحنا راكعين كدامو ؟ ليش ما بنصير احنا الخطر وغيرنا يخاف منو ؟ _ واحنا شو بده يطلع بايدنا اذا الجيوش العربية ... _ ولك بيطلع , بيطلع ونص احتلوا الأرض اه صحيح بس اذا ظل ناسها فيها بتصرش إلهم , لكن اذا طلعتم كنكم اعطيتوهم اياها _ يا بو صالح لو كان علينا احنا الرجال بتهون بس شو نعمل بالحريم ؟ العرض يا بو صالح العرض _ العرض في الأرض يابو عطية , العرض في الأرض .