احبها ؟ لأن قتلت الابرياء ودخلت للعراق مو حبا بيه وبيك لو حتى تحرر الشعب دخلت سرقت ونهبت وباكت النفط ودمرت البنه التحتيه وفرضت علينا نضام ديمقراطي فاااشل الي هو نضام الديمقراطيه الغير مباشره ..مع انو كل دول العالم تاخذ بالنضام الديمقراطي المباشر عدا العراق ..ليش فرضت هذا النضام ؟ ..حتى نبقى فاشلين
ارجوك نظرية المؤامرة بطلها عساس بناك التحتية جانت برج خليفة .. هي مطبت حباً بيك اكيد علمود تاخذ فلوس و اشوف الحمدالله على هل طبه بدال ما تروح كلها لصدام .. اما النظام الدمقراطي فاكو مادة بلدستور انو تكدر تغير نظام الحكم بحاله عدم رضى الشعب بس انتم شعب نايم و الحكومه خماطة و مستفادة و الي تنتخبوهم فاسدين ارجوك اذا تريد لوم لا تلوم دول عظمى مو بحالة دولة مثل العراق و لا مكلبتها و انت بدولة فاشلة بسبب شعبها 🤦🏻♂️
لأن امريكا عاشت واسست الحريه والديمقراطيه ع دماء الناس الابرياء وتتغذى ع الحروب وتنشر الامراض وتبيع الدواء للمرضى بأسعار خياليه حتى تحقق ارباح هائله ...لأن هي سبب كل شر في العالم كل حرب كل جوع كل فقر
اسستت الحرية و الديمقراطية في بلدها و وقطعت وعد على نفسها انو تصير احسن بلد بلعالم .. امريكا شاركت بكم حرب بس فيتنام افغانستان و العراق و كم حرب شاركت كحلفاء .. فيتنام و افغانستان شاركت كضغط على اتحاد السيفيتي اما العراق فنشكرها لان حررتنا من نظام بقيادة واحد خبل .. امريكا دوله عظمة حاليا و العرب كدامها بس حشرات بدال ما تكرها حاول تحبها و تتعلم شلون بدت من دولة فاشلة لاعظم دولة غصبا عليك و على كل عربي
ليش ضد الانسانيه ..؟
الي يقتل هنا لازم انطي مكافئه ؟ لو اعاقبه ؟
الي يزني والي يسرق وغي ها من الامور ..بعدين هاي الامور يعاقب عليها القانون مو بس الدين !! ..والاسلام يكول ..اصفح الصفح الجميل ..يعني العفو موجود ..
والله يا عيني اكو ابحاث تكول انو 75% من السرقة تكون بداعي الجوع او الفقر الشديد !! يصير تقكعين ايد واحد باك لان جاع شنو هل حكمة و العدالة السماوية ارجوك/ج .. و لا تكلي عفوا اية كامله كالت اليسرق ينقطع ايده !!
والله يا يوشة من خلال قرأتي للحضارات القديمة و خصوصا البابلية و السومرية كتشفت اشياء غريبة .. مثل قصة الطوفان الاعظم مال نوح قصة موحودة بسماء غير .. قصة اصحاب الكهف كذلك . وبعد هواي اشياء و هم ذبح الخروف علمود قربان للرب و هواي عادات اسلامية موجوده بلديانة الاسلامية وهم اكو اشعار هواي بنفس نمط القران
الدين مو فاشل ..الناس تفسر الدين ع مزاجهم بالعكس الدين سهل هو مجرد سستم يعلمك شون تعيش بصوره صحيحه ومتأذي غيرك .. بس الناس شوهت الدين وخلته صعب ومكروه
الدين سوته الحضارات القديمة لنفس السبب علمود يقل الاشياء الفاسده كلسرقة و يستفادون منه رجال الدين يصير اسلوب حياة يتحكم بلناس .. بس المشكلة نجي لعبادة السومرين مثلا تلكيها لوكتهم و الدين الاسلامي لوكتهم بدليل هسه تعاليم اكو بلاسلام متطبق لان ضد الانسانيه و الحيوانات ميسوها مثلا قطع اليد و الرجم و الجلد .. و هم ايات مثل النجوم مصابيح بلسماء و الارض المسطحة هذا الحجي لوكتهم .. اني مو ضد الاسلام والله بس وي تطوير بحيث يناسب وقتنه لان ناسنه همج على تحديث القديم !!
اذا كانت المرأة درست ، تزوجت ، حبت ، اخلصت ، حملت ، انجبت ، ارضعت ، ربت ، عملت ، تحملت قلق وخوف ، وكانت بالاخر بنصف عقل .. فكيف لو كانت بعقل كامل .. احمد الشقيري 😌
منو الزمال الي يكول بنص عقل ... بكل الكليات و اغلب الاقسام غالبا الاول على مرحلة بنت .. الي بنه المانيا ورا الحرب العالمية بنات ..
والله اكثر تخصص بي شغل .. كولولي ليش ؟ لان الحياة تعتمد حاليآ 100% على اتصالات و الانترنيت و البرامج ف تحتاج تخصاصات مثلا مبرمج .. صيانة .. مصمين شبكات الخ و رواتب خيالية والله . بس دراسة بلكليات العراقية مراح توصل لشي لازم دراسة بره و حب للمادة و خبره و تعلم و اهم اهم شي لغة انكليزية قوية .. هاي ابسط شي فرص عمل هسه ب شركات جبيرة برنامج linkedin و اكو بعد لجوه بس صورت الي كدرت علية 🖤
كلنه يعجبنه نصير هيج ونعيش بس شفت اغلب الاجوبه مثلا خايفين من موضوع تحت ظل ( عادات) ( تقاليد) (دين) ماعدهم جرأه يسوون هيج موضوع يرادله شجاعه واحد يعبر كل هاي الشغلات ويسوي الي يريده
مو بس هيج همه نفسهم يحاربون الانسان الي يشوفوا غير للان داخل نفسهم يتمنون يصيرون نفسه .. بس هو ابو القاسم الشابي شكال : "وَمَنْ يتهيب صُعُودَ الجِبَـالِ, يَعِشْ أَبَدَ الدَّهْرِ بَيْنَ الحُفَـر "
انت كلتيها You only live once ما اريد اموت و اعيش كاني مموجود بلوجود .. و امشي وي القطيع و اكون نسخه منهم .. لازم الواحد يكسر من النمطية الي بمجتمعة و هل شي حيل غير بيه و بنفسيتي 🖤