ممكن لو عيشت في بلد تاني تكون مش محتاج اعيش في كوكب تاني.. بحب بلدي جدا بس عقولنا مش نضيفه ومهتمين بحاجات ملهاش لازمه يمكن لو عيشت في بلد متحضره هيكون تفكيري احسن من كده وحياتي احسن واكون عايش عشان حاجه لكن دلوقتي عايش كل يوم زي ما تيجي من غير هدف وكلنا عايزين بس مش كلنا بناخد خطوه
لما تكون إنسان ناضج، وعقلاني في معظم الأحوال، بس على الجانب الآخر عاطفي جدًا، وعاطفتك دي أحيانًا بتخليك تاخد القرار اللي ضد عقلانيتك، ساعتها بيكون وجعك مضاعف؛ لأنك من جواك بتكون عارف كويس إنك بتعمل الاختيار الغلط، وتفضل تقاوم نفسك، وعقلك يشتم فيك أكتر وأكتر.. الصعوبة وقتها مبتكونش في معرفة الاختيار اللي فيه سلامة روحك، الصعوبة في تنفيذ القرار العقلاني، اللي غالبًا بيكون الاختيار الوحيد الصح، المؤلم جدًا.. تأنيب العقل أشد من تأنيب الضمير.. العقل الناضج هو مصدر الألم الرئيسي لأي إنسان عاطفته بتغلبه
النهايات اخلاق صح ولا ايه
اه والله.. الحمد لله بعمل حساب والد البنت اللي كنت مرتبط بيها وبختمله القرآن في رمضان ♥️