إجابة السؤال: بص يا مستر صلطع =Dمع مرور الأيام الموضة بتتغير فاللبس المش محترم بيزيد التغيير فيه للأسوأ وفنفس الوقت في لبس كويس بيطلع ناو زي الجيبس والفساتين كترت على فكرة بس برضو اللبس السيء بينحدر أكتر وكمان الطرح دي بقى بقت أفظع حاجة يعني والله الموضة القديمة بتاعت ال15 طرحة اللي كانوا بيتلبسوا فوق بعض كانت أرحم لأن واحدة واحدة بقت الموضة أسوأ يعني بعد ال15 طرحة دوول الموضة إتغيرت وبقت طرح الجل اللي يادوب بتغطي الرقبة وتتحدف لورا وبعدها الشيفون اللي بقت تبين الشعر وببقى ماشية في الشارع شايفة لون التوكة بتاعت البنت اللي قدامي O.o ودلوقتي السكارف القصيرة أوي دي =3 وللأسف عشان معظم الناس بقت تلبس كدة تلاقي اللي لبسها محترم وطرحتها طويلة وهي ماشية كدة كأنها جية من كوكب آخر O.o