مبدأيا كده يارب اعرف افيدك باللي هقوله 5 سنين مش قليل يعني لو سوري كلب كان يبقي عنده وفاء اكتر من كده. بصي هو النوع ده مبيحبش اللي يديله اهتمام اكتر من اللازم لانه هيشوف نفسه عليكي لانه عارف انك موجوده مهما حصل هيلاقي في مكانك وكلمه هقولهالك اهو وافتكريني هيفك البلوك ويحاول يدور عليكي لما تبعدي خالص وتختفي وتخبي اي حاجه في حياتك ممكن يعرفها هيفك البلوك وهيدور عليكي عشان الفضول هياكله وهيقولك اصل انا كنت بس بغيظك وبتاع ده ولو حتي اللي قاله صح انه ارتبط فهي هتكون سبته وهو مش لاقي حد يكلمه فيجيلك ليه عشان متأكد انك بتحبيه واكيد اكيددد هتكوني لسه مستنياه وهتسامحيه فهو هيبعد فتره كده يعيش حياته فيها ويرجعلك ده صنف الرجاله اللي متعرفهوش..😅 اللي تعمليه بقي ايه؟ اول حاجه تنسيه خالص وتمسحي نمرته ولو عندك ع اي ابليكشن انا عارفه انك بتحسي عنه وانك صعب تنسي بس حاولي ومتحاوليش ترجعي تكلميه الموضوع التاني متكلميش اي حد دلوقت لانك هتندمي لان قرارتك مش هتبقي صح انتي هتقبلي تكلمي اي حد عشان تنسي زي ما بيقولوا اوعي متلاقيش اللي تحبه فتحب الموجود ،ابعدي عن كل الهم ده والله كل ده هتنسيه بعدين وهتقابلك مسؤلياات بعدين هتحسي انها حاجات تافهه اعملي حاجات بتحبيها واعملي صداقات وانشغلي بحاجات تنسيكي الكلام ده واللي باعنا خسر دلعنا 😅. يارب اعرف اكون قولت حاجه مفيده 😂💖
انا م النوع الي ممكن كلمه او رد فعل كفيل انه يقفلي اليوم كله وافضل طول اليوم افكر فيه وبسببه ممكن اعمل مشاكل وبالتالي يزيد الغم هل حد عنده اي اقتراح لحل المشكله دي
بتفكرني بالكوميك ده😂😂😂😂😂😂😂😂😂😂😂😂💔💔 والله انا اكتر واحده الموضوع ده تاعبني 💔
قاسيه قوي من عمرو دياب لما قال " ما انا لازم عشان اتعلم كان هي تبيعني " و هو احنا ليه لازم نتباع اصلا ؟ ليه منقابلش ناس يمسكوا فينا و نتّبت فيهم ؟ ليه لازم نجرب الاسواء قبل الحلو .. ليه ها ؟
عارفه زمان لما كنت بتفرج على انمى كنت فاكر انه الناس والشخصيات اللى فيه موجودة فى الحقيقة ولما كبرت بقيت بتمنى انه يكونوا موجودين وانى ابقى واحد منهم💔💔
لا مانا بهزر ف حتة الكفاره دى اكيد يعنى😂ايوه كانت بتبقى واحده او اتنين ومش عارف انا كانت ايدى خفيفه و صايع والراجل ماكنش بيقطع عليا وانا باخدها ولا كان بيشوفنى وبيعديها عشان ابويا بصراحه
وانا صغير لما كنت بروح السوق مع أبويا كنت باخد خيار او فاصوليا من اى فرشه كبيره بنشترى منها من غير البياع ماياخد باله وأحطها عند أى بياع فرشته صغيره من غير ماياخد باله بردو ..هى ده تتحسب سرقه !😂