فيه واحدة اعترفتلها بحبي زمان قالتلي ممبحكبش وبعد فتره كبيرة جيت كلمتني ع الاسك ولمحتلي اني اجي اتقدم ليها وقالت انها بتحبني وكانت بتراقبني من بعد سواء ف الشارع او على السوشيال وانا مرضتش اروح اتقدم ليها الا لما تكلمني بشكل مباشر وتفهمني هي ليه عملت كدا زمان وليه قالتلي ممبحبكش هو انا كدا غلطان؟!
لا هي ممكن ساعتها لما قالتلك كده كانت عاوزه تقول العكس بس معرفتش 😂😂 هتسألني ليه هقولك معرفش بس هو كده في ناس كده😅
متجوزه بقالي سنتين صالونات وكده مكناش نعرف بعض زوجي الحمدلله شخص كويس جدا ومش مقصر معايا مديا ولا معنويا بس هو كان خاطب قبلي وانا مش قادره اتخطي الفكره دي وبحس أنه قلبه مش معايا وحرفيا تعبت
احنا بنحب ننكد علي نفسنا اوي😅 مش معني انه كان خاطب انه بيحبها بدل ما تفكري كدا فكري ازاي تخليه يحبك انتي يا ست
انا كنت اعرف واحده من ابتدائي وكنت معجب بيها من زمان واحنا اطفال وهيا جارتي بس م اتكلمناش ولا اي حاجه واما دخلت الكليه حبيت واحده تانيه بس هيا مش بتبادلني نفس الشعور ف البنت كانت بتلمحلي واتكلمنا وحبيتها جدا وهيا تتحب جدا بس قلبي كل شويه يميل للتانيه وحاليا مش بتكلم علشان حاسس بالذنب نحيتها جدا
الاختيار الغلط دا بيخلي الواحد يقعد مع نفسه طول الليل يفكر و يقول انا ازاى كنت مابشوفش كدا،و يندم ع الوقت اللي ضيعه من عمره مع حد ما يستاهلش ،بس ده بيخليك تعرف ان ربنا موقعكش فيه لان ربنا رحيم بعباده و بيقولك الطيبون للطيبات ،اختاروا صح ماتبصوش للحلاوه ،و الفلوس ،و الجسم ،و غير.!
ممكن تكملو في علاقة مش حاسين فيها بالأمان لمجرد إنك بتحب الشخص دا ومش قادر تسيبه؟
ولو لا . ازاي بتمشو؟
الواحد لما بيدي كل طاقته في مكان او لشخص بدون ما يحس بالامان ممكن ميشوفش الحب ساعتها عشان كده في حاجات اهم من الحب عشان هو لوحده مش كافي عشان تستمر ...
جماعة ممكن اخد رأيكم في حاجه.. انا جايبة في جهازي شاشتين واحدة 32 والتانية 43 LG وخطيبي عايزني اجيب واحدة 55/60 بدل 32 وكمان Samsung وحاسة انه كده كتير ومش عارفه اقول لاهلي اي لان مش عايزة اضغطهم وفي نفس الوقت مش عارفه اقول لخطيبي اي ممكن تساعدوني فضلاً.