صمت و وحدة وعالم فاضى . وكأنك فـ الدنيا لوحدك . .. ورغم ده كله برضك راضى . وبتحاول تتصنع راحتك . .. ما انا عارفك كدة تبقى وحيد . وتفضل ساكت . واخد جنب ... . ومايهمكش الوحدة تزيد . ولا بتحمًل حد الذنب . .. وترضى بحالك وتسلم . لـ وحدة ياما قتلت فيك .. . وان حَد جالك يتكلم . عُمره مايلمح دمع عنيك !! #mohammed insaan :)
اكييد في في اخواتك اصحابك ناس بتثقي فيهم و بتطمنلهم . اتمسكي بيهم اوي و قربي منهم .. الوحده و الحزن بيضعفوا القلب و بيسرقوا العمر من اي انسان . انا عندي 26 سنه و جربت اللي بقوله ليكي و ندمان والله بجد . الحياه فرص . انا قرار غلط خدته بقالي 6 سنين بتالم و بندم عليه لاقصي درجه تتخيليها
اخواتي اكتر ناس ما بعرفش اتكلم معاهم .. و والله الوحدة عندي احسن وزي مانت بتقول الحياه فرص يبقي مش لازم هنختار دايما الصح .. الندم مالوش لازمة و مش هيغير حاجة طب مين بقي :D
تسمعي نصيحه من واحد غريب ...حياتك انتي بس اللي هتعيشها بحزنها و فرحها .انتي بس اللي هتتحاسبي عليها قصاد ربنا . متخليش فيها مكان لحد بيكرهك او بتكرهيه . متخليش فيها حاجه تتعبك او تالمك .املي حياتك بحب ربنا و بناس تثقي فيهم و تطمنلهم .. عيشي حياتك زي م انتي عايزه تعيشيها مش زي م الحياه عايزاكي تعيشيها
لو اني قادر ع البكا .. أنا كنت هملا الكون دموع لو اني قادر ع الفرح انا كنت هضحك بالقوي لكن انا حظي كدة بين البينين .. لا طايل اني اكون سعيد ولا حتي عارف اكون حزين وان يوم فرحت ابكي بوجع و ان يوم زعلت أضحك أوي