انا مش عايزة افضل اقولك نصايح اكيد سمعتها كتير يعني بس اولا مبروك 93 مش وحش خالص خالص وربنا يوفقك ف الي جاي الي جاي اعتبره تحدي ليك يعني ولو شايف حتي انك اتدمرت زي مابتقول يبقي خلي دة حافز يخليك تنجح ف الكليه الي هتجيلك انا ليا ناس ف كل الكليات تقريبا اعرفهم وبجد ف كل كلية في ناس نجحت جداً وبتشتغل دلوقتي احسن شغل وبيقبضوا كويس وبيكبروا ف شغلهم مع انهم مش شغالين بقالهم كتير. وفي الي نجح واتعين ف الكليه واكيد فيه الي فشل. الكليه دلوقتي مش هدف وخلي هدفك تنجح ف الطريق الي هتمشي فيه ايا كان يعني وربنا يوفقك 🌼
لا مفيش حاجة اسمها كدة. الناس بتقول كدة عشان يحسس نفسه ويحسسك انه احسن منك. لما بيشتغلوا بيشتلغوا زي بعض وف الدراسه الخاصه اكيد اكيد احسن من اول المكان والادوات ويمكن الدكاترة كمان. جايب مجموع اقل بس هتتعلم احسن ويمكن تشتغل احسن كمان. واعرف ناس كمان ف كليات خاصه وبيرتبوا وبيتعينوا ف الجامعه كمان. لو فضلت بالتفكير دة ان الخاصه للفاشلين يبقي هتفشل. زيك زي غيرك عادي ويمكن احسن ف حجات كمان
عقلانيه جدااا يعنى ده كلام ؟🤔😂
انا هبله اه بس عقلانية اوي 😂😂😂
اللي هو ازاي يعني ؟؟
يعني في اوقات او مواقف ببقي فيها عقلانية جدا وبحكم عقلي بطريقة سعات بستغرب نفسي والله. وساعات ف مواقف تانية ببقي عاطفية جدا ومابفكرش تقريبا وبستغرب نفسي بعدهاوبقا لما افكر الي هو ازاي مافكرتش ف كزا وكزا