@Rannno

Rano

Ask me anything Follow
Ask @Rannno

Sort by:

LatestTop

حبيبي الله يجزاك الجنه انا استخدمت ديودرنت من كل الانواع بيزلين وفيتشي وليدي سبيد ونيفيا وريكسونا اللي عندنا قديم قديم ريحتو قويه م يبعيو الجديد :(وجربت بودي شوب وايف روشيه ! كلها م ناسبتني ومهمته باكلي والمنطقه وعرقي مو كثير ممره لدرجه بوزتي م تتبلل تعبت بالله انصحيني

أسفه على التأخر بالرد ولكن بأعطيك كذا خيار وإن شاء الله يناسبونك
الخيار الأول مزيل العرق من ريكسونا جداً جداً جممميل للناس اللي يعانون من التعرق الزائد واذا كانت عندك حساسية من الروائح والعطور أو من هالقبيل يفضل إنك تاخذين شي خالي من العطور أو ع الأقل تشمين ريحته قبل لاتشترينه ... لونه أبيض وطويل ويعتبر النوع الجديد من ريكسونا وعليه علامة صح
الخيار الثاني شوي شاطح اللي هو مزيل عرق رجالي ريحته قوية ولكن يعتبر حلو اللي هو من اديداس ناسية اسمه بالضبط ولكن لونه اسود وعليه لون اخضر بشكل بسيط ..

ممكن تنزلين لنا تدوينه عن اهم التيتوريال الي تعلمتي عليهم ؟ خصوصا بال Eyeshadow اصعب شي بالحياة احس :( ابي اتعلم احب الميك اب مررره واحب اشتريهم لكن معرف اسوي يعورني قلبي كل ما اشتري واتذكر ان ماعندي سالفة :(

تقدرين تبحثين في اليوتيوب عن مقاطع تعليم للميك اب وأقرب مثال قناة حنان نجادة ولكن يمكن يكون مكياجها أحترافي وصعب تطبيقه بالواقع للمبتدئات بالميك اب ..
تقدرين مثلا تكتبين بالانقلش
makeup tutorial
simple eyeshadow look
cut crease look
makeup tutorial using naked3
وهكذا .. وحطي ببالك أن مجرد النظر للفيديوات التعليمية ماراح تخليك محترفة بيوم وليلة
إلا إذا طبقتي كل تكنيك تشوفينه وقعدتي تتدربين عليه ومع الممارسة المستمرة إن شاء الله بتضبطين أشياء كثيرة

مرحبا رنا ، بغيت اسالك عن المواقع الي مجربتها للميك اب غير درق ستور

Nordstrom http://shop.nordstrom.com
Too faced https://www.toofaced.com
Amazon http://amazon.com
Sephora ولكن هالموقع بالذات يجيه أوقات ومايقبل الفيزا العالمين فأنصحك ماتخاطرين وجربي مواقع ثانية
http://www.sephora.com
Mac http://www.maccosmetics.com
هذي المواقع اللي في بالي حالياً ..

Related users

boundgiuro
ليلى.
hodhodlive’s Profile Photo gabirabulgabar
am1n’s Profile Photo Amana
Makeup_beauty’s Profile Photo ask for beauty ❤️
Sarsaud

مرحبا رنا ، من تجربتك لو بقولك صنفي التوب ٥ للفاونديشن ايش راح تختارين ؟ يهمني بتقيمك يكون بناء على جودة منتج بغض النظر عن السعر و الكمية ( اسماء فقط ) عشان ما نتعبك

لي أكثر من ١٠ أيام أفكر بسؤالك .. أحب هالسؤال كثير وحلو أنك سألتي
ولكن أجابتي بتقهر شوي .. حالياً قاعدة أجرب فاونديشن وشكله بيكون من ضمن التوب ٥ ولكن يبيلي فترة بسيطة أتأكد من شعوري اتجاهه
وإن شاء الله بأرجع وأجاوب ع سؤالك مره ثانية

السلام عليكم وين تباع نارس وانستازيا بدبي ؟ سيفورا !

ماعندي علم عن دبي أنا من السعودية

ايش افضل مسكره تطول وتكثف بدون م تتكتل وسعرها مناسب؟

من تجربتي لمسكرات كثيرة أقدر أقول أن مستحيل فيه مسكرة تعطي مظهر مرضي وتجمع فيما بين التطويل والتكثيف
لأن بديهياً المسكرة اللي تكثف تخلي الرموش منكمشة
ولكن فيه كذا مسكرة حبيت المظهر حبيتها بحيث توازن فيما بين التكثيف والتطويل
اللي هم مسكرة سان لوران فوليوم ايفكت أو ديور ايكونيك اوفر كيرل
بالنسبة للمسكرات الرخيصة
فيه مسكرة مس مانقا من لوريال تكثف ولكن ماينفع تكثرين منها عشان ماتلصق الرموش مع بعضها
طبقتين تكفي
وفيه برضو مسكرة لوريال فوليومنوس انشاء الله أكون كتبتها صح وهذا أسمها بالأنقلش
loreal voluminous mascara

رنو الله يسعدك شريت شامبو تريسمي وبلسم بس البلسم تبع حماية من التقصف ينفع؟

ما أعرف إيش نوعية شعرك أو نوع الشامبو اللي شريتيه ممكن توضحين أكثر
لأن كل اللي عرفته أن نوع البلسم حماية من التقصف ..

انا استخدمت بي بي كريم غارنيه للبشره المختلطه ودرجتي متوسط بس فاتح مره على وجهي مع انو انا بشرتي فاتحه شوي، ايش اسوي ساعديني وانا وجهي فيه حبوب كثير؟

إمممم بديهياً الدرجة ماتناسبلك، وللأسف درجات بي بي كريم قارنيية فقط ٢ وجداً محصورة وماتناسب الكل
إذا تعانين من عيوب كثيرة فـ أنصحك تستعملين منتج تغطيتة متوسطة
اذا بشرتك دهنية أو مختلطة انصحك بفاونديشن ريفلون كلر ستاي ٢٤ تكلمت عنه بمدونتي
http://ranosalman.blogspot.com/2015/02/revlon-colorstay-24h-foundation.html
أو فاونديشن ماكس فاكتر ال داي فلاولس ٣ في واحد تكلمت عنه بمدونتي
http://ranosalman.blogspot.com/2015/01/covergirl-outlast-stay-fabulous-3-in-1.html
أو فاونديشن لوريال ترو ماتش يناسب تقريباً جميع البشرات ولكن هالفاونديشن يتأكسد للأغمق تقريباً بنص درجة أو درجة تكلمت عنه بمدونتي
http://ranosalman.blogspot.com/2014/11/loreal-true-match-foundation.html
وبالأخير حلو إنك تغطين عيوب بشرتك وتخفينها ولكن لاتنسين تزيلين الفاونديشن بعد الدوام وماتنومين فيه
إذا حابة تحافظين على صحة بشرتك .. ويفضل ماتكتفين بإزالة بمناديل مزيل للمكياج فقط ! لازم تغسلينه بغسول عشان تتأكدين مافيه بقايا مكياج

View more

باقي م جربت ريسكونا اللي يجي ري الصابونه بس اخاف بشرتي م تمتص زي مثلا ليدي سبيد قلبت ريحتو ممره اول م حطيته

حبيبتي مافهمت عليك، وما اتذكر انتي اي وحدة من اللي سألو عشان أفهم الموضوع من بدايته... ممكن توضحين

كيف اعرف درجة بشرتي ؟ :( ما احس اني اعرفها بالتماام

إن شاء الله شرحي يكون واضح
تقدرين تروحين لسيفورا وتجربين على يدك كم درجة وتختارين الأقرب للون بشرك
يفضل انك تجربين على كف يدك عند الوريد وإذا حسيتي ان درجتك ضبطت بعدها جربي الدرجة على ذقنك ..
أو تقدرين تاخذين عينة من درجتين بعلبة صغيرة أي فاونديشن عاجبك وتجربين بالبيت على راحتك وبعدها تشوفين إيش الأقرب لدرجتك واللي يناسبك
أخر أقتراح تروحين لمحل ماك وتطلبين من الموظفة تشوف درجتك بالتمام من فاونديشن استوديو سكلبت وإذا ضبطتي درجتك بماك بيسهل عليك البحث عن درجتك ببقية أنواع الفاونديشن
1

ولي يعافيك حبيبتي تعرفين عطر ديور الي موجوده بالماركه نفسها العوده كم سعره ! وكم ملا

مافهمت عليك أي عطر تقصدين! اللي بس ينباع بهارفي نيكلز !

الله يسعدك حبيبتي موجوده انستازيا بالرياض ! وين احصلها ضروري

غير موجودة بالرياض بشكل رسمي ولكن تحصلينها عند التاجرات

مرحبا رنا كيفك ؟ إن شاءالله يوصلك سؤالي حبيبتي انا اذا كثفت عنايتي ببشرتي يعني استخدمت غسول كل يوم و تقشير و كل الاهتمام بشرتي تبدا تتقشر و تطلع حبوب بكثرة ومع اكثر من منتج و لما اتركها فترة و استخدم حاجات خفيفة و كريم مرطب الاحظ انها تكون اكثر تألقا و فيها صحة اكثر و حتى بالميك اب يفرق تتوقعين اي

أهلن، حلو ان الانسان يعتني ببشرته بشكل يومي ولكن عندي كذا نقطة حابة أوضحها
النقطة الأولى، أوضح دليل على ان المنتجات بدت تتفاعل مع بشرتك ظهور حبوب خفيفة
كأن البشرة بدت تكون نفسها من أول وجديد وهذا شي طبيعي
ولكن الشي الغير طبيعي والمخيف لما تتهيج بشرتك ويسببلك المنتج إحمرار وحكة وطفح جلدي وقشور غريبة هنا معناته ان المنتج مايصلحلك ولازم توقفينه ولا بتنعدم بشرتك ..
وفيه فرق شاسع بين الأثنين ..
النقطة الثانية، الشي اذا زاد عن حدة انقلب ضده .. التقشير بعض الأحيان مضر للبشرة إذا استعمل بشكل يومي خصوصاً اذا كانت البشرة حساسة أو جافة
يفضل تستعملين مقشر خفيف ولطيف على البشرة يوم بالأسبوع ..
النقطة الثالثة، تأكدي من ان المنتجات اللي تستخدمينها تناسب بشرتك وان شاء الله النتائج بتكون بشكل تدريجي وماراح تطلع بيوم وليلة
ولاتنسين ان أكلك وساعات نومك يأثر بشكل كبير على بشرتك .. فـ لازم تنتبهين على هالنقطة ويمكن سبب ظهور الحبوب أكل معين والله أعلم
وبالأخير وحلو انك عرفتي إيش اللي يناسب لبشرتك ويريحها .. لأن البشرات تختلف من بنت لبنت

View more

السلام عليكم يعطيك العافيه مدونتك جدا رائعه تابعتها كلها ومامليت الله يوفقك يارب اذا ممكن انا بشرتي جافه جدا مهما رطبتها دقايق ارجع لها الا جفاف لان منطقتنا جافه جدا انا حنطية على ابيض لكن الحين غمقت درجتين كذا ما ادري ليش يعني من دون سبب يذكر احس بشرتي تغيرت ما اعرف وش استخدم علشان استعيد لوني

ربي يعافيك ياجميلة، أمممين وياك يارب
لازم تكثفين ترطيب بشرتك وتستخدمين كريم ترطيبة عالي ومره بالأسبوع زيت .. ولكن حطي ببالك اذا بتستعملين كريم
استعمليه قبل النوم والصباح أول ماتقومين وتجنبي وقت ما أنتي حاطة الكريم تتعرضين لشمس أو لأي جهاز حرارته عالية
بعض المنتجات اللي ممكن تفيدك: كريم كيو في، كريم زبدة الشياء خالية من العطور
وتقدرين برضو تستعملين فازلين بشكل خفيف على الأماكن اللي تتقشر وجافة جداً
بالنسبة للزيت، زيت جونسون للأطفال حلو حطيه مره بالأسبوع بشكل خفيف ولاتتعرضين للشمس أبداً
أنا مو اخصائية ولا من هالكلام ولكن اللي أستنتجته من كلامك سبب غمق بشرتك التعرض المستمر للشمس
أو وضع مرطبات أو اي منتجات عناية بالبشرة والتعرض للشمس
أنصحك تستعملين واقي شمس وتقللين طلعتك بوقت النهار خصوصاً فترة الظهر، غسلي وجهك بشكل يومي بغسول خالي من العطور
وقوامه حليبي ويفضل يكون طبي مثل سيتا فيل أو كيو في تحصلينهم بأي صيدلية
أستعملي منتجات العناية بالبشرة قبل النوم لأن مفعولها بهالفترة يكون عالي
أبتعدي عن الصابونة لأنها عدوة البشرة الجافة جداً ومثل ماقلت استعملي غسول حليبي
فيه منتجات عناية بالبشرة (مصل) يوحد لون البشرة ويرطبها .. تحصلينه بأسعار متفاوته
برضو نقطة ثانية أنتبهي تستخدمين أي كريم لتفتيح البشرة وخصوصاً إذا كان فيه مادة الكرتزون هالمادة جداً مضرة
تفتح البشرة بشكل مؤقت وبعدها بكم شهر أو أكثر شي ٦-٨ شهور البشرة تقلب لون غامق جداً أقرب للأسود أو البني الغامق
وفيه بعض أخصائيين البشرة للأسف ينصحون هالنوع من الكريمات للمرضى ومحد ياكلها غير المريض ..

View more

السلام عليكم .. ايش افضل فاونديشن او بيبي كريم للبشره الجافه وللاستخدام اليومي للدوامات وكذا ؟ لان زهقت وانا اجرب وكلها يصير كان وجهي مشهب :( !

أهلن ياجميلة، قبل لا أجاوب على سؤالك حابة أنوه على نقطة
الوجه يطلع مشهب لأن درجة الفاونديشن والاندرتون تبعه مايناسبك
أختاري فاونديشن نفس درجتك والاندرتون تبعه دافي يعني مو مايل على زهر ولا خوخي لا، أختاري شي دافي ويناسب درجة ودفء بشرتك
بعطيك خيارات كثيرة للفاونديشن المخصص للبشرة الجافة ولك الحرية بإختيار اللي يناسبك مع العلم ان كلهم تغطيتهم فيما بين الخفيفة والمتوسطة
فاونديشن لانكوم تينت فيزيونير جميل للبشرة الجافة ويعطي مظهر طبيعي للبشرة الجافة سعره حول الـ ٢٥٠ ريال
فاونديشن دولتشي اند قبانا لومينوس يعطي مظهر طبيعي شبه ساتن للبشرة الجافة سعره حول الـ ٢٨٠ ريال
فاونديشن ديور نيود سعره حول الـ ٢٥٠ ريال
فاونديشن ماك ستوديو سكلبت يعطي مظهر طبيعي للبشرة الجافة سعره حول الـ ١٩٠ ريال
فاونديشن لوريال ترو ماتش يعطي البشرة الجافة مظهر طبيعي سعره ٩٧ ريال
فاونديشن ميبيلين فيت مي يعطي مظهر ديوي للبشرة الجافة يعني نظارة سعره ٦١ ريال

View more

وجهي يقشر وايد وحتى لما احط عليه مرطب مافي فايدة ولما احط الفونديشن الوضع اسوء شلحلل.؟؟؟

أول شي لازم تعالجين بشرتك وتعطينها فترة راحة من الميك اب الى ماتخف القشور وترجع بشرتك طبيعية
أول الخطوه الترطيب ثم الترطيب المسسستمر لازم تكثفين عنايتك بهالفترة، أستخدمي كريم كيو في قبل النوم وبالصباح -
ومايمنع لو بنص اليوم تستخدمين كريم خفيف خالي من العطور
حاولي تغسلين بشرتك بغسول لطيف وناعم وخالي من العطور ويفضل يكون قوامه حليبي -
أو طبي وابتعدي عن الصابون قد ماتقدرين هو عدو البشرة الجافة والحساسة
فيه غسول كيو في او غسول سيتا فيل للبشرة الحساسة والجافة كويسين
من ناحية الصنفرة وهالكلام للأسف انا مقدر انصحك بأي منتج لأني ماشفت ايش طبيعة بشرتك ومدى سوء القشور -
كل اللي اعرفه ان بشرتك جافة جداً وحساسة من وصفك
نوع الفاونديشن اللي تستخدمينه يأثر بشكله على بشرتك، فأستخدمي فاونديشن مخصص للبشرة الجافة -
بعد فترة من تكثيف عنايتك ببشرتك، أتبعي هالخطوات قبل وضع الفاونديشن -
غسلي وجهك بغسول -
رطبي بشرتك بمرطب كيو -
أخلطي نقطة زيت مع الفاونديشن ووزعيه على وجهك بإستخدام البيوتي بلندر او اي اسفنجه ثانية وابتعدي -
عن الفرش بهالفترة لأنها تبرز قشور البشرة

View more

السلام عليكم ... فاونديشن مايثبت على بشرتي كم ساعه ويروح ولا كأني حاطه شي ... برايك ايش السبب ؟؟ وحابه اسألك اذا عندك حل للمسامات الواسعه على الخدين ؟؟ وايش افضل كريم مرطب يومي وغسول للبشره المختلطه الدهنيه ؟؟ اسفه كثرت عليك ؟

إيش نوع الفاونديشن اللي تستخدمينه؟
ثبات الفاونديشن يعتمد بشكل كبير ع نوع بشرتك وهل الفاونديشن يناسبها أو لا وعلى درجة حرارة الجو
المسامات الواسعة أنصحك تغسلين وجهك بشكل مستمر مع إستعمال تونر لقبض المسام ومصل يعالجها ويقلل من مظهرها
فيه سيروم ايستي لودر estee lauder pore minimizing serum
وأنصحك تعالجينها بدال اخفائها بمنتجات التجميل
ترطيبة عالي كريم كيو في تحصلينه بالصيدلية سعره ٥٧ وكريم للإستعمال اليومي فيه سيتافيل كلهم بالصيدلية
أو كريم كلينيك المخصص للبشرة المختلطة والدهنية
غسول فيه من ماركة فيلوسفي اسمه بيورتي ولكن غير متوفر بالسعودية، وفيه غسول سيتافيل أو كيو في
متوفر بالصيدلية
لاعادي خذي راحتك

رنو، ايش احسن فاونديشن يكون خفيفف وطبيعي وسعرو كويس للبشرة المختلطة الحساسة ؟

فاونديشن ريفلون كلر ستاي ٢٤ اور المخصص للبشرة المختلطة والدهنية..
حلو وتغطيته متوسطة وثابت وخفيف على البشرة ويعطي مظهر طبيعي شبه مطفي
ولكن مو متأكدة إذا خالي من العطور ..
سعره حول الـ ٧٠ ريال وتحصلينة بصيدلية وايتس أو سنتر بوينت
فاونديشن ميك اب فورايفر اتش دي - خالي من العطور فـ يناسب للبشرة الحساسة
تكلمت عنه بالتفصيل هنا
http://ranosalman.blogspot.com/2014/03/review-makeup-forever-hd-foundation.html
أو فاونديشن لانكوم تينت الترا ٢٤ اور - خالي من العطور والدهون ويناسب البشرة المختلطة
خفيف على البشرة وتغطيتة متوسطة .. ويبين طبيعي على البشرة / شبه مطفي

شكرا جزيلا ، قرأت تدويناتك عن الفرش من قبل وجدا استفدت ، بس حابة اعرف ليش ماتنصحي بالدوو فايبر للمبتدئين ؟ هل استخدامها اصعب من الفرش العادية والسبونج ؟ انا حابة فرشة ١٨٧ وابغا اجرب الستيبلنج تكنيك

لأن استخدام فرش الدوو فايبر لها تكنيك خاص لتوزيع الفاونديشن، ويمكن اذا اي احد استخدمها بطريقة خاطئة يبين الفاونديشن
على الوجه على شكل خطوط أو بوصف اخر مخطط وغير موزع بشكل مرتب وطبيعي ..
نقطة ثانية، فرش الدوو فايبر توفر تغطية خفيفة وطبيعية بعكس فرش الكابوكي توفر اعلى تغطية ممكن الفاونديشن يوصل لها
إذا نفسك فيها تقدرين تبحثين باليوتيوب عن كيفية استعمالها .. واضمنلك النتائج بتكون جداً جميلة بالأستعمال الصحيح
وإذا حسيتي في بداية استخدامك انك ما ضبطتي توزيع الفاونديشن بالدوو فايبر تقدرين تستعملين بعدها اسفنجة
وعن طريقة الطبطبة ع كامل الوجه تصححين تخطيط الفاونديشن ..

انا حابة اشتري فرش مكياج وقرأت وبحثت كثير وقررت ابدا بكم فرشة من ماك مع انو نفسي بزويفا او سيقما بس ما اقدر اطلب اونلاين حاليا ايش رايك اشتري من ماك ولا استنى ؟ مع العلم انو اذا اشتريت من ماك راح اشتري كم فرشة اساسية وانا مبتدئة ما اعتقد راح احتاج ست كامل ، وشكرا لوف يور بلوق

جممميلة فرش ماك وما أقدر أقول شي سلبي عنها وغير كذا تعمر معاك سنين ان شاء الله وتعتبر استثمار ناجح لك
بس عندي ملاحظة وحدة، ماك عندهم تقريباً فرشتين مدري ثلاثة (دوو فايبر) لتوزيع الفاونديشن وبما إنك مبتدئة ما أنصحك فيها
فيه بدائل مثل اسفنجة البيوتي بلندر وحالياً متوفرة بسيفورا أو فيه التاجرات يبيعون فرشة سيقما اف ٨٠ أو اف ٨٢ بـ ١٣٠ ريال
وغير كذا ماعندي اي ملاحظات وخيارك بالفرش ممتاز ..
فيه هنا كتبت موضوع عن فرش سيقما وبدائلها اللي تشبهلها بفرش ماك اذا حابة تطلعين على الموضوع
http://ranosalman.blogspot.com/2014/11/my-sigma-brushes-face-brushes.html
http://ranosalman.blogspot.com/2014/11/my-sigma-brushes-eye-brushes.html

كيف تحطي ماسك TRESemmé Keratin Smooth قبل الترويش ولا بعد ؟؟؟

اللي لونه ابيض وحجمه مثل حجم الشامبو .. أستخدمه كبلسم بعد ما اغسل شعري من الشامبو ..

سمعت ان البنات اللي عندهم مدونات وقنوات باليوتيوب يجيهم مكافئات ماليه من الشركه نفسها صحيح هالكلام

فقط باليوتيوب اما المدونات لا .. ولكن باليوتيوب مايسمونه مكافئة مالية بل راتب شهري للي عندهم اكثر من مية الف ... والراتب يكون متغير غير ثابت ويعتمد على مشاهدات الفيديوات ..
1

ايش تسوين عشان تعتنين بشعرك؟وايش تستخدمين زيوت وغيره؟

صراحةً مالي طريقة معينة، ودايماً أتعيجز أعتني بشعري وأحط زيوت وحناء ومن هالكلام
ولكن من ضمن عنايتي لشعري كل أسبوعين أحط ماسك (قناع) للشعر من لش جميل ويعطي لمعة صحية للشعر
اسمه H'suan wen hna هذي ثاني مره أشتريه
اما روتين عنايتي العادية لشعري، لازم كل شهر يتبدل الشامبو لأن لاحظت ان شعري ماعاد يستجيب للمنتج بعد استخدام متواصل لمدة شهر
فيه كريم من لوريال حلو وينعم الشعر ويعطيه لمعان طبيعي
اسمه Loreal Elvive Instant Miracle Cream
تكلمت عنه هنا
http://ranosalman.blogspot.com/2013/07/loreal-elvive.html
وفيه كريم برضو من لوريال اسمه بديل الزيت المغذي اوليو كيراتين وبزيت الآرجان
جداً جممميل وينفع تستعملينه بكذا طريقة، اما تحطينه كقناع للشعر أو كبلسم بعد الشامبو
أو تحطين بيدك شوي وتوزعينه ع اطراف شعرك بحيث يعطي الشعر لمعة طبيعية
تكلمت عنه بمفضلاتي هنا
http://ranosalman.blogspot.com/2014/08/july-favorites.html
اما الشامبو والبلسم اللي حبيتهم للشعر المنفوش أو الشعر اللي يكش هم تريسمي بنعومة الكيراتين، تكلمت عنهم بالتفصيل هنا
http://ranosalman.blogspot.com/2014/09/tresemme-keratin-smooth-shampoo-and.html

View more

Next

Language: English

4.1

1,266,418 reviews
© Ask.fm 2024